ಕ್ರಿಕೆಟ್ ಅಭಿಮಾನಿಗಳಿಗೆ ಭರಿಸಲಾರದ ನೋವು. ಕ್ರಿಕೆಟ್ ಕ್ಷೇತ್ರಕ್ಕೆ ತುಂಬಲಾರದ ನಷ್ಟ ಕಳೆದ ಕೆಲವು ದಿನಗಳಿಂದ ಆಘಾತದ ಸುದ್ದಿಯೇ ಸಿಗುತ್ತಿದೆ. ಮೊನ್ನೆ ಮೊನ್ನೆಯಷ್ಟೇ ಕ್ರಿಕೆಟ್ ದಂತಕಥೆ ಶೇನ್ ವಾರ್ನ್ ನ ಕಳೆದುಕೊಂಡಿದ್ದ ಅಭಿಮಾನಿಗೆ ಇಂದು ಬೆಳ್ಳಂ ಬೆಳಗ್ಗೆ ಮತ್ತೊಂದು ಕಹಿ ಸುದ್ದಿ ಕಿವಿಗೆ ಬಿದ್ದಿದೆ.
ಆಸ್ಟ್ರೇಲಿಯಾ ತಂಡದ ಮಾಜಿ ಕ್ರಿಕೆಟಿಗ, ಸ್ಪೋಟಕ ಆಲ್ ರೌಂಡರ್ ಆಂಡ್ರ್ಯೂ ಸೈಮಂಡ್ಸ್ ಇಂದು ನಿಧನರಾಗಿದ್ದಾರೆ. ಕ್ವೀನ್ಸ್ ಲ್ಯಾಂಡ್ ನ ಟೌನ್ ವಿಲ್ಸೆ ಬಳಿ ಕಾರು ಅಪಘಾತ ನಡರದಿದೆ. ಈ ಕಾರು ಅಪಘಾತದಲ್ಲಿ ಸೈಮಂಡ್ಸ್ ತೀವ್ರವಾಗಿ ಗಾಯಗೊಂಡಿದ್ದು, ನಿಧನರಾಗಿದ್ದಾರೆ.
ಕಾರಿನಲ್ಲಿ ಸೈಮಂಡ್ಸ್ ಒಬ್ಬರೆ ಇದ್ದರು ಎಂಬುದು ಪ್ರಾಥಮಿಕ ತನಿಖೆಯಿಂದ ಹೊರಬಂದಿದೆ. ತೀವ್ರ ಪೆಟ್ಟಾಗಿದ್ದ ಕಾರಣ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಬೆಳ್ಳಂಬೆಳಗ್ಗೆ ಈ ಸುದ್ದಿ ತಿಳಿದ ಕ್ರಿಕೆಟ್ ಕ್ಷೇತ್ರ ಮಂಕಾಗಿದೆ, ಅಭಿಮಾನಿಗಳು ಬೇಸರದಲ್ಲಿಯೇ, ಸಂತಾಪ ಸೂಚಿಸಿದ್ದಾರೆ.
ಸೈಮಂಡ್ಸ್ ಕ್ರಿಕೆಟ್ ಜೊತೆ ಜೊತೆಗೆ ವಿವಾದದ ಮೂಲಕವೂ ಸುದ್ದಿಯಾಗುತ್ತಿದ್ದರು. 2008ರ ಸಿಡ್ನಿ ಟೆಸ್ಟ್ ಮಂಕಿ ಗೇಟ್ ನ ವಿವಾದ ಇವರ ಜೀವನದುದ್ದಕ್ಕೂ ಉಳಿದು ಬಿಟ್ಟಿದೆ. ಇನ್ನು ಹರ್ಭಜನ್ ಸಿಂಗ್ ಮತ್ತು ಸೈಮಂಡ್ಸ್ ನಡುವಿನ ವಿವಾದವು ವಿಶ್ವ ಕ್ರಿಕೆಟ್ ಲೋಕದಲ್ಲಿ ಸಾಕಷ್ಟಯ ಸದ್ದು ಮಾಡಿತ್ತು.
Newbie Techy