ಕುನೋ ನ್ಯಾಷನಲ್ ಪಾರ್ಕ್ ನಲ್ಲಿ ಸಿಕ್ತು ಹಳೆ ಕಾಲದ 42 ನಾಣ್ಯಗಳು..!

ಮಧ್ಯಪ್ರದೇಶ: ಕುನೋ ನ್ಯಾಷನಲ್ ಪಾರ್ಕ್ ಇತ್ತಿಚೆಗೆ ಸಾಕಷ್ಟು ಖ್ಯಾತಿ ಪಡೆದಿದೆ. ಪ್ರಧಾನಿ ಮೋದಿಯವರ ಹುಟ್ಟುಹಬ್ಬಕ್ಕೆಂದು ಈ ಅರಣ್ಯ ಪ್ರದೇಶಕ್ಕೆ ಅಮಿಬಿಯಾದಿಂದ ಚೀತಾಗಳನ್ನು ತಂದು ಬಿಡಲಾಗಿತ್ತು. ಹೀಗಾಗಿ ಒಂದಷ್ಟು ಖ್ಯಾತಿಯನ್ನು ಪಡೆದಿದೆ. ಇದೀಗ ಹಳೆ ನಾಣ್ಯಗಳ ವಿಚಾರಕ್ಕೆ ಮತ್ತೆ ಸುದ್ದಿಯಲ್ಲಿದೆ.

ಕುನೋ ನ್ಯಾಷನಲ್ ಪಾರ್ಕ್ ನಲ್ಲಿ ಸಿಬ್ಬಂದಿಗಳಿಗಾಗಿ ಕ್ವಾರ್ಟಸ್ ಕಟ್ಟಿಸಿಕೊಡುವ ಕಾರ್ಯ ನಡೆಯುತ್ತಿತ್ತು. ಈ ವೇಳೆ ಭೂಮಿ ಅಗೆಯುವಾಗ ನಾಣ್ಯಗಳು ಸಿಕ್ಕಿದೆ. 42 ಹಳೆಯ ಕಾಲದ ನಾಣ್ಯಗಳು ಕಾರ್ಮಿಕರಿಗೆ ಸಿಕ್ಕಿದೆ. ಈ ನಾಣ್ಯಗಳನ್ನು ಕಂಡ ಕಾರ್ಮಿಕರು ಯಾರಿಗೂ ಹೇಳದೆ ತಮ್ಮ ತಮ್ಮಲ್ಲಿಯೇ ಹಂಚಿಕೊಂಡಿದ್ದಾರೆ.

ಬಳಿಕ ನಾಣ್ಯಗಳ ಬಗ್ಗೆ ವಾಟ್ಸಾಪ್ ಸ್ಟೇಟಸ್ ಹಾಕಿಕೊಂಡಾಗ ಎಲ್ಲರಿಗೂ ವಿಚಾರ ಗೊತ್ತಾಗಿದೆ. ಕಾರ್ಮಿಕರ ಬಳಿ ವಿಚಾರಸಿದಾಗ ಸತ್ಯ ಗೊತ್ತಾಗಿದ್ದು, ಒಂದಷ್ಟು ನಾಣ್ಯಗಳನ್ನು ಅಧಿಕಾರಿಗಳಿಗೆ ಹಸ್ತಾಂತರ ಮಾಡಿ ಇನ್ನಷ್ಟು ನಾಣ್ಯಗಳನ್ನು ತಮ್ಮ ಬಳಿಯೆ ಇಟ್ಟುಕೊಂಡಿದ್ದಾರೆ ಎನ್ನಲಾಗಿದೆ.