ಪಾಟ್ನಾ, (ಬಿಹಾರ) : ಲಾಲು ಪ್ರಸಾದ್ ಯಾದವ್ ಯಾರಿಗೆ ಗೊತ್ತಿಲ್ಲ ಹೇಳಿ. ಅದರಂತೆ ಅವರ ಪುತ್ರ ಆರ್ಜೆಡಿ ಶಾಸಕ ತೇಜ್ ಪ್ರತಾಪ್ ಯಾದವ್ ಕೂಡ ಎಲ್ಲರಿಗೂ ಗೊತ್ತಿರೋರೆ. ಯಾಕಂದ್ರೆ ಆಗಾಗ ಏನಾದರೊಂದು ವಿಚಾರಕ್ಕೆ ಸುದ್ದಿಯಲ್ಲಿರ್ತಾರೆ. ಇದೀಗ ಬೇರೆಯದ್ದೇ ವಿಚಾರಕ್ಕೆ ಸುದ್ದಿಯಾಗಿದ್ದಾರೆ.
ಅದಕ್ಕೆ ಕಾರಣ ಸೋಷಿಯಲ್ ಮೀಡಿಯಾದಲ್ಲಿ ಅವರ ವಿಡಿಯೋವೊಂದು ವೈರಲ್ ಆಗಿದೆ. ಅದು ಬಡ ಹುಡುಗಿಗೆ ಅವರು ಕೊಟ್ಟ ಕಾಸ್ಟ್ಲಿ ಗಿಫ್ಟ್ ವಿಚಾರ. ಹೌದು, ಬೀದಿ ಬೀದಿಯಲ್ಲಿ ಹೋಗುವವರನ್ನ ತಡೆದು ಆ ಬಾಲಕಿ ಪೆನ್ನು ಮಾರಾಟ ಮಾಡ್ತಾ ಇದ್ದಳು. ಆಕೆಗೆ ಅದರಿಂದ ಬರುವ ಹಣ ಸಂಸಾರ ನೀಗಿಸುತ್ತಿತ್ತೋ ಏನೊ. ಇದೇ ಬಾಲಕಿಗೆ ಶಾಸಕ ತೇಜ್ ಪ್ರತಾಪ್ ಐಪೋನ್ ಗಿಫ್ಟ್ ನೀಡಿದ್ದಾರೆ.
ಪಾಟ್ನಾದ ಬೀದಿಗಳಲ್ಲಿ ಈ ಬಾಲಕಿ ಪೆನ್ನು ಮಾರಾಟ ಮಾಡ್ತಾ ಇದ್ಲು. ತೇಜ್ ಪ್ರತಾಪ್ ಕೂಡ ಅದೇ ತನ್ನ ಸ್ನೇಹಿತರೊಂದಿಗೆ ಬೌರಿಂಗ್ ರೋಡ್ ಪ್ರದೇಶದಲ್ಲಿ ಸುತ್ತಾಡುತ್ತಿದ್ದರು. ಆ ವೇಳೆ ಪೆನ್ನು ಮಾರಾಟ ಮಾಡುತ್ತಿದ್ದ ಬಾಲಕಿ ಕಣ್ಣಿಗೆ ಬಿದ್ದಿದ್ದಾಳೆ. ಆಕೆಯ ಬಳಿ ಸ್ವಲ್ಪ ಹೊತ್ತು ಮಾತಾಡಿ, ಆ ಬಳಿಕ ಐಫೋನ್ ಗಿಫ್ಟ್ ಮಾಡಿದ್ದಾರೆ.
