ಉಡುಪಿ: ಕುಂದಾಪುರ ಸರ್ಕಾರಿ ಕಾಲೇಜಿನಲ್ಲಿ ಹಿಜಬ್ ವಿವಾದ ನಡೆಯುತ್ತಲೇ ಇದೆ. ನಾವೂ ಹಿಜಾಬ್ ಧರಿಸಿಯೇ ಬರ್ತೀವಿ ಅಂತ ಮುಸ್ಲಿಂ ಹೆಣ್ಣು ಮಕ್ಲು ಹಠ ಹಿಡಿದಿದ್ದರೆ, ಅತ್ತ ನಾವೂ ಕೇಸರಿ ಶಾಲು ಹಾಕಿಕೊಂಡು ಬರ್ತೇವೆ ಅಂತ ಹುಡುಗರು ಹಠ ಮಾಡುತ್ತಿದ್ದಾರೆ. ಇದೀಗ ಕುಂದಾಪುರ ಸರ್ಕಾರಿ ಕಾಲೇಜಿಗೆ ಪ್ರಾಂಶುಪಾಲರು ರಜೆ ಘೋಷಿಸೊದ್ದಾರೆ.
ಈಗಾಗಲೇ ವಿದ್ಯಾರ್ಥಿನಿಯರ ಪೋಷಕರು ಕಾಲೇಜಿಗೆ ಬಂದು ಪ್ರತಿಭಟನೆ ಮಾಡಿದ್ದಾರೆ. ಹೀಗಾಗಿ ನಾಳೆ ಕಾಲೇಜಿಗೆ ರಜೆ ಘೋಷಿಸಿ, ಆದೇಶ ಹೊರಡಿಸಿದ್ದಾರೆ.
ಸಮವಸ್ತ್ರ ಮಾಡಿರುವುದು ಯಾಕೆ..? ಸರ್ಕಾರದ ಆದೇಶವನ್ನ ಎಲ್ಲರು ಪಾಲಿಸಿ ಎಂದು ಕಾಲೇಜು ಆಡಳಿತ ಮಂಡಳಿ ವಾದ ಮಾಡಿದ್ರೆ, ಅತ್ತ ವಿದ್ಯಾರ್ಥಿನಿಯರು ಆವರಣದೊಳಗೆ ನಮ್ಮನ್ನ ಬಿಟ್ಟುಕೊಂಡಿದ್ದೀರಿ. ತರಗತಿಗೆ ಬಿಡಿ ಎಂದು ಒತ್ತಾಯಿಸುತ್ತಿದ್ದಾರೆ. ಅಷ್ಟೇ ಅಲ್ಲ ಅವರ ಪೋಷಕರು ಬಂದು ಪ್ರತಿಭಟಿಸಿದ್ದಾರೆ. ಕಾಲೇಜು ಆಡಳಿತ ಮಂಡಳಿ, ಗೇಟಿಗೆ ಬೀಗ ಹಾಕಿದ ಬಳಿಕ ಗೇಟಿನ ಹೊರಗಡೆ ನಿಂತು ಪ್ರತಿಭಟಿಸಿದ್ದಾರೆ.
