ಕಾಣದೆ ಟಾಯ್ಲೆಟ್ ಮಾಡಲು ಕುಳಿತಿದ್ದರೆ ಗತಿ ಏನು..?

ಶಿವಮೊಗ್ಗ: ಹಾವುಗಳನ್ನ ದೂರದಲ್ಲೇಲೋ ನೋಡಿದ್ರೇನೆ ಮೈ ನಡುಕ ಬರುತ್ತೆ. ಅಂತದ್ರಲ್ಲಿ ಮನೆ ಒಳಗೆ ನೋಡಿದ್ರೆ ಇನ್ನೆಷ್ಟು ಗಾಬರಿಯಾಗಬೇಡ. ಅದರಲ್ಲೂ ಟಾಯ್ಲೆಟ್ ಒಳಗೆ ಅವಿತು ಕುಳಿತಿದ್ದ ನಾಗರ, ದಿನನಿತ್ಯದ ಕರ್ಮ ಮುಗಿಸಲು ಹೋದಾಗ ಕಚ್ಚಿದ್ದರೆ..? ಈ ಪ್ರಶ್ನೆಗಳೆಲ್ಲಾ ಕಾಡೋದಕ್ಕೆ ಶುರುವಾಗಿದ್ದು, ಶಿವಮೊಗ್ಗದಲ್ಲಿ ನಡೆದ ಘಟನೆ.

ಹೌದು, ನಗರದ ಶಿವಪ್ಪ ನಾಯಕ ಬಡಾವಣೆಯಲ್ಲಿ ಈ ಘಟನೆ ನಡೆದಿದೆ. ಶಬರಿ ಎಂಬುವವರ ಮನೆಯಲ್ಲಿ ಟಾಯ್ಲೆಟ್ ನ ಪಿಟ್ ನಲ್ಲಿ ಕುಳಿತಿತ್ತು. ಹಾವನ್ನು ಕಂಡ ಆ ಮನೆಯ ಮಹಿಳೆ ಗಾಬರಿಯಿಂದ ಹೊರ ಓಡಿದ್ದಾರೆ. ತಕ್ಷಣ ಸ್ನೇಕ್ ಕಿರಣ್ ಗೆ ಕರೆ ಮಾಡಿ ಕರೆಸಿದ್ದಾರೆ.

ಬಳಿಕ ಸ್ಥಳಕ್ಕೆ ಬಂದ ಕಿರಣ್ ಹಾವನ್ನ ಸುರಕ್ಷಿತವಾಗಿ ಹಿಡಿದಿದ್ದಾರೆ. ಮನೆಯಿಂದ ಹೊರಗೆ ತಂದ ಬಳಿಕ ಮನೆಯ ಮಹಿಳೆಯೊಬ್ಬರು ಆ ನಾಗಾರಹಾವಿಗೆ ಪೂಜೆ ಮಾಡಿದ್ದಾರೆ. ನಮಸ್ಕರಿಸಿದ್ದಾರೆ. ಆಮೇಲೆ ಆ ಹಾವನ್ನ ಸುರಕ್ಷಿತವಾಗಿ ಕಾಡಿಗೆ ಬಿಟ್ಟು ಬಂದಿದ್ದಾರೆ.