ಬೆಳಗಾವಿ : ಚಳಿಗಾಲದ ಅಧಿವೇಶನ ಸುವರ್ಣಸೌಧದಲ್ಲಿ ನಡೆಯುತ್ತಿದ್ದು, ಕೆಲವೊಮ್ಮೆ ಚರ್ಚೆ ವೇಳೆ ನಗೆಗಡಲಲ್ಲಿ ತೇಲುವ ದೃಶ್ಯಗಳು ಆಗಾಗ ಕಾಣಿಸುತ್ತವೆ. ಅದರಲ್ಲೂ ಮಾಜಿ ಸಿಎಂ ಸಿದ್ದರಾಮಯ್ಯ ಅವರ ಭಾಷಣದ ವೇಳೆ ಇಂಥದ್ದೊಂದು ಸನ್ನಿವೇಶಗಳು ಮಿಸ್ ಆಗೋದೆ ಇಲ್ಲ. ಇದೀಗ ಈ ಬಾರಿಯೂ ಅಂತದ್ದೊಂದು ವಿಚಾರ ಹೇಳಿ ಎಲ್ಲರನ್ನು ನಗುವಂತೆ ಮಾಡಿದ್ದಾರೆ.
ಮತಾಂತರ ನಿಷೇಧ ಕಾಯ್ದೆ ಬಗ್ಗೆ ಮಾತನಾಡುತ್ತಾ ಅದರ ನ್ಯೂನತೆಗಳನ್ನು ತಿಳಿಸಿದ್ದಾರೆ. ಈ ವೇಳೆ ನಾನು ಲವ್ ಮಾಡಿ ಮದುವೆಯಾಗ್ತೇನೆ. ಮಾಜಿ.. ಇಲ್ಲ ಇಲ್ಲ ಬಿಡಿ ನಂಗೆ ವಯಸ್ಸಾಗಿದೆ ಎಂದು ಹೇಳಿ ಎಲ್ಲರು ನಗುವಂತೆ ಮಾಡಿದ್ದಾರೆ.
ಇದಕ್ಕೆ ಸ್ಪೀಕರ್ ವಯಸ್ಸಿಗೂ, ಮದುವೆಗೂ ಅಂತರವನ್ನ ಕೇಳಿದಾಗ ಇದಕ್ಕೆ ಉತ್ತರಿಸಿರುವ ಸಿದ್ದರಾಮಯ್ಯ, ಮದುವೆಯೇ ಬೇರೆ, ಪ್ರೀತಿಯೇ ಬೇರೆ. ಪ್ರೀತಿಯನ್ನ ಯಾವ ವಯಸ್ಸಿಗೆ ಬೇಕಾದರೂ ಮಾಡಬಹುದು ಎಂದಿದ್ದಾರೆ.
ಇದೇ ಮಾತಿಗೆ ಸಚಿವ ಈಶ್ವರಪ್ಪ ಮಧ್ಯೆ ಪ್ರವೇಶಿಸಿ, ಸಿದ್ದರಾಮಯ್ಯ ಅವರೇ ನಿಮಗೆ ವಯಸ್ಸಾಗಿದೆ ಅಂತ ಯಾರ್ ಹೇಳ್ತಾರೆ. ನಿಮ್ಮ ಮನೆಯವರು ಹೇಳಿದ್ರಾ ಎಂದು ಕೇಳಿದ ಪ್ರಶ್ನೆ. ಇಲ್ಲ ಇಲ್ಲ ನಾನೇ ವಯಸ್ಸಾಗಿದೆ ಎಂದು ಕೊಂಡೆ ಎಂದು ಉತ್ತರ ನೀಡಿ, ಮತಾಂತರ ನಿಷೇಧ ಕಾಯ್ದೆ ಬಗ್ಗೆ ಪ್ರಸ್ತಾವನೆ ಮಾಡಿದ್ದಾರೆ.
