ಶ್ರೀ ಕಬೀರಾನಂದಾಶ್ರಮದಲ್ಲಿ 92 ನೇ ಶಿವರಾತ್ರಿ ಸಪ್ತಾಹ ; ಜನವರಿ 22ಕ್ಕೆ ಪೂರ್ವಬಾವಿ ಸಭೆ

ವರದಿ : ಸುರೇಶ್ ಪಟ್ಟಣ್

ಚಿತ್ರದುರ್ಗ, (ಜ.20) : ನಗರದ ಶ್ರೀ ಕಬೀರಾನಂದಾಶ್ರಮದವತಿಯಿಂದ ಪ್ರತಿ ವರ್ಷ ನಡೆಯುವ ಶಿವರಾತ್ರಿ ಸಪ್ತಾಹವೂ ಈ ವರ್ಷವೂ ನಡೆಯಲಿದ್ದು, ಫೆ. 22 ರಿಂದ ಮಾ.01ರವರೆಗೆ 92ನೇ ಶಿವರಾತ್ರಿ ಸಪ್ತಾಹ ನಡೆಯಲಿದೆ.

ಈ ಸಪ್ತಾಹದ ಅಂಗವಾಗಿ ಪೂರ್ವಬಾವಿ ಸಭೆಯೂ ಜ. 22ರ ಶನಿವಾರ ಸಂಜೆ 4.30ಕ್ಕೆ ನಗರದ ಶ್ರೀ ಕಬೀರಾನಂದಾಶ್ರಮದ ಆವರಣದಲ್ಲಿ ಶ್ರೀ ಸದ್ಗುರು ಕಬೀರಾನಂದಾಶ್ರಮದ ಪೀಠಾಧ್ಯಕ್ಷರಾದ ಶ್ರೀ ಶಿವಲಿಂಗಾನಂದ ಶ್ರೀಗಳ ದಿವ್ಯ ಸಮ್ಮುಖದಲ್ಲಿ ನಡೆಯಲಿದೆ.

ಭಕ್ತಾಧಿಗಳು ಈ ಸಭೆಗೆ ಆಗಮಿಸಿ ಶಿವರಾತ್ರಿ ಸಪ್ತಾಹ ಆಚರಣೆಯ ಅಂಗವಾಗಿ ಸಲಹೆ, ಸಹಕಾರವನ್ನು ನೀಡುವಂತೆ ಶ್ರೀ ಗುರು ಕಬೀರಾನಂದಾಶ್ರಮದ ಕಾರ್ಯದರ್ಶಿಗಳಾದ ವಿ.ಎಲ್.ಪ್ರಶಾಂತ್‍ಕುಮಾರ್ ಕೋರಿದ್ದಾರೆ.