‘ಕಾಂತಾರ’ ಬೆಡಗಿ ರುಕ್ಮಿಣಿ ವಸಂತ್ ಹೆಸರಿನಲ್ಲಿ ಮಹಾಮೋಸ..!

ಬೆಂಗಳೂರು: ವಂಚನೆ ಮಾಡುವವರು ಸಿಕ್ಕ ದಾರಿಯಲ್ಲಿ ಸುಲಭವಾಗಿ ವಂಚಿಸಿ ಬಿಡುತ್ತಾರೆ. ಆ ಕಲೆಯನ್ನ ಅದೇಗೆ ರೂಢಿಸಿಕೊಂಡಿರುತ್ತಾರೋ ಹೇಗೋ. ಯಾಕಂದ್ರೆ ಸಾಮಾನ್ಯರ ಹೆಸರಲ್ಲ ಸೆಲೆಬ್ರೆಟಿಗಳು, ರಾಜಕಾರಣಿಗಳ ಹೆಸರೇಳಿಕೊಂಡೆ ವಂಚನೆ ಮಾಡಿ ಬಿಡುತ್ತಾರೆ. ದೊಡ್ಡವರ ಹೆಸರೇಳಿದಾಗ ಯಾವುದೋ ನಿರೀಕ್ಷೆಯಲ್ಲಿದ್ದವರು ಯಾಮಾರೋದು ಸಹಜವೇ ತಾನೇ. ಇದೀಗ ಕಾಂತಾರ ಬೆಡಗಿ ರುಕ್ಮಿಣಿ ವಸಂತ್ ಹೆಸರೇಳಿಕೊಂಡು ವಂಚನೆ ಮಾಡಿರುವ ವಿಚಾರ ಬೆಳಕಿಗೆ ಬಂದಿದೆ.

ಈ ಬಗ್ಗೆ ನಟಿ ರುಕ್ಮಿಣಿ ವಸಂತ್ ಅವರೇ ಖಡಕ್ ಎಚ್ಚರಿಕೆಯನ್ನ ನೀಡಿದ್ದಾರೆ. 9445893273 ಎಂಬ ಮೊಬೈಲ್ ಸಂಖ್ಯೆಯನ್ನು ಬಳಸುವ ವ್ಯಕ್ತಿಯೊಬ್ಬರು ನಾನು ಅಂತ ನಟಿಸಿ, ಸುಳ್ಳು ನೆಪ ಹೇಳಿ ಹಲವರನ್ನು ಸಂಪರ್ಕ ಮಾಡ್ತಾ ಇದ್ದಾರೆ. ಇದು ನನ್ನ ಗಮನಕ್ಕೂ ಬಂದಿದೆ. ಈ ಸಂಖ್ಯೆ ನನಗೆ ಸೇರಿಲ್ಲ. ಮತ್ತೆ ಈ ನಂಬರ್ ನಿಂದ ಬರುವ ಯಾವುದೇ ಸಂದೇಶಗಳು ಅಥವಾ ಕರೆಗಳು ಸಂಪೂರ್ಣವಾಗಿ ಫೇಕ್ ಆಗಿರುತ್ತದೆ. ದಯವಿಟ್ಟು ಅಂತಹ ಸಂದೇಶಗಳಿಗೆ ಪ್ರತಿಕ್ರಿಯಿಸಬೇಡಿ ಅಥವಾ ಅವರೊಂದಿಗೆ ಮಾತಾನಾಡೋದಕ್ಕೆ ಹೋಗ್ಬೇಡಿ. ಈ ಕೃತ್ಯ ಸೈಬರ್ ಅಪರಾಧದ ವ್ಯಾಪ್ತಿಗೆ ಬರುತ್ತೆ..

ಹೀಗಾಗಿ ಇಂತಹ ವಂಚನೆ ಮತ್ತು ದಾರಿತಪ್ಪಿಸುವ ಚಟುವಟಿಕೆಗಳಲ್ಲಿ ಭಾಗಿಯಾಗಿರುವವರ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳಲಾಗುತ್ತೆ. ಈ ಬಗ್ಗೆ ಯಾವುದೇ ಸ್ಪಷ್ಟೀಕರಣ ಅಥವಾ ಪರಿಶೀಲನೆಗಾಗಿ, ನೀವು ನೇರವಾಗಿ ನನ್ನನ್ನು ಅಥವಾ ನನ್ನ ತಂಡವನ್ನು ಸಂಪರ್ಕಿಸಬಹುದು ಎಂದು ಸೋಷಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ. ಹಣ ವಸೂಲಿ ಮಾಡುವುದಕ್ಕೆ ಕೆಲವೊಂದಿಷ್ಟು ಕಿಲಾಡಿಗಳು ಈ ರೀತಿಯ ವಂಚನೆ ಮಾಡುತ್ತಾರೆ. ನಂಬುವವರು ಇರುವ ತನಕ ಎಷ್ಟಾಗುತ್ತೋ ಅಷ್ಟು ವಸೂಲಿ ಮಾಡುವ ಪ್ಲ್ಯಾನ್ ಅವರದ್ದು. ಹೀಗಾಗಿ ಸ್ವಲ್ಪ ಎಚ್ಚರಿಕೆಯಿಂದ ಇರುವುದು ಒಳ್ಳೆಯದು.