ಸಚಿವ ಈಶ್ವರಪ್ಪ ಅವರ ಮೇಲೆ ಗುತ್ತಿಗೆದಾರ ಸಂತೋಷ್ 40% ಕಮೀಷನ್ ವಿಚಾರದಲ್ಲಿ ಆರೋಪ ಮಾಡಿದ್ದರು. ಆ ಸಂಬಂಧ ಸಚಿವ ಈಶ್ವರಪ್ಪ ಕೂಡ ದೂರು ದಾಖಲಿಸಿದ್ದರು. ಇದೀಗ ನಿನ್ನೆ ಗುತ್ತಿಗೆದಾರ ಸಂತೋಷ್ ಪಾಟೀಲ್ ಉಡುಪಿಯ ಹೊಟೇಲ್ ಒಂದರಲ್ಲಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ನನ್ನ ಸಾವಿಗೆ ಸಚಿವ ಈಶ್ವರಪ್ಪ ಅವರೇ ಕಾರಣ ಎಂದು ಡೆತ್ ನೋಟ್ ಕೂಡ ಬರೆದಿಟ್ಟಿದ್ದಾರೆ.
ಈ ಸಂಬಂಧ ನಿನ್ನೆ ಫಸ್ಟ್ ರಿಯಾಕ್ಷನ್ ಕೊಟ್ಟಿದ್ದ ಸಚಿವ ಈಶ್ವರಪ್ಪ, ಇಂದು ಆ ವಿಚಾರದ ಬಗ್ಗೆ ಮಾತನಾಡಿದ್ದಾರೆ. ಸಂತೋಷ್ ಪಾಟೀಲ್ ಕಡುಬಡವ ಅಂತಾರೆ. ಹಾಗಾದ್ರೆ ದೆಹಲಿಗೆ ಯಾವಾಗಲೂ ಫ್ಲೈಟ್ ನಲ್ಲಿಯೇ ಹೋಗಿ ಬರೋದಕ್ಕೆ ಹಣ ಎಲ್ಲಿಂದ ಬರುತ್ತಾ ಇತ್ತು. ಪ್ರಕರಣದ ತನಿಖೆ ನಡೆಯುತ್ತಾ ಇದೆ. ಎಲ್ಲವೂ ಆ ಬಳಿಕ ಹೊರ ಬರಲಿದೆ.
ಸಂತೋಷ್ ನನ್ನು ದೆಹಲಿಗೆ ಯಾರು ಕಳುಹಿಸದ್ದರು ಎಂಬುದು ಬೇಕಲ್ಲವಾ..? ಅವರೊಬ್ಬರೆ ಹೋಗಿದ್ದರೋ..? ಅಥವಾ ಜೊತೆಗೆ ಇನ್ಯಾರಾದರೂ ಹೋಗಿದ್ದರಾ..? ಅವರಿಗೆ ಫ್ಲೈಟ್ ಖರ್ಚು ಇನ್ಯಾರದರೂ ನೀಡಿದ್ದರಾ..? ಯಾರು ಕೊಟ್ಟರೂ.? ತನಿಖೆಯಾದ ನಂತರ ಎಲ್ಲವೂ ಹೊರ ಬರಲಿದೆ. ನನ್ನ ಮೇಲೆ ಈ ರೀತಿಯ ಆಪಾದನೆ ಬಂದಿರುವುದು ಇದೇ ಮೊದಲ ಬಾರಿಗೆ. ತನಿಖೆ ಆಗಲಿ ಎಂದು ಈಶ್ವರಪ್ಪ ಅವರು ಒತ್ತಾಯಿಸಿದ್ದಾರೆ.
Newbie Techy