ಬಾಲಿವುಡ್ ನಲ್ಲಿ ಬಾಯ್ಕಾಟ್ ಸಂಸ್ಕೃತಿ ಶುರುವಾಗಿ ಬಹಳ ಕಾಲವೇ ಆಯ್ತು. ಬಾಯ್ಕಾಟ್ ನಿಂದಾಗಿ ಸಿನಿಮಾಗಳು ಸಾಲು ಸಾಲು ಸೋಲಾಗಿದೆ. ಶಾರುಖ್ ಖಾನ್ ಕೂಡ ಜೀರೋ ಸಿನಿಮಾದ ಸೋಲಿನಿಂದ ಸಂಕಟ ಅನುಭವಿಸಿದರು. ಸದ್ಯ ಪಠಾಣ್ ಮೇಲೆ ಸಾಕಷ್ಟು ನಿರೀಕ್ಷೆ ಇತ್ತು. ಆದರೆ ಬಾಯ್ಕಾಟ್ ನಿಂದಾಗಿ ಸಿನಿಮಾ ಸೋಲುವ ಆತಂಕ ಕಾಡುತ್ತಿದೆ.
ಪಠಾಣ್ ಸಿನಿಮಾದಿಂದ ಇತ್ತಿಚೆಗೆ ಬೇಷರಂ ರಂಗ್ ಹಾಡನ್ನು ರಿಲೀಸ್ ಮಾಡಲಾಗಿತ್ತು. ಆ ಹಾಡಿನಲ್ಲಿ ದೀಪಿಕಾ ಪಡುಕೋಣೆ ಸಿಕ್ಕಾಪಟ್ಟೆ ಹಾಟ್ ಲುಕ್ ನಲ್ಲಿ ಕಾಣಿಸಿಕೊಂಡಿದ್ದರು. ಕೊನೆಯಲ್ಲಿ ಕೇಸರಿ ಬಿಕಿನಿಯಲ್ಲಿ ಕಾಣಿಸಿಕೊಂಡಿದ್ದರು. ಇದೇ ವಿಚಾರಕ್ಕೆ ಹಿಂದೂಪರ ಸಂಘಟನೆಗಳ ಕೆಂಗಣ್ಣಿಗೆ ಗುರಿಯಾಗಿದ್ದರು. ಹಿಂದೂ ಸಂಘಟನೆಗಳು, ನಮ್ಮ ಧಾರ್ಮಿಕ ಭಾವನೆಗಳಿಗೆ ಧಕ್ಕೆಯಾಗಿದೆ. ಸಿನಿಮಾವನ್ನು ಬಾಯ್ಕಾಟ್ ಮಾಡೋಣಾ ಎಂದು ಅಭಿಯಾನ ಶುರು ಮಾಡಿದ್ದಾರೆ.
ಇದೀಗ ಸ್ಯಾಂಡಲ್ ವುಡ್ ಮೋಹಕತಾರೆ ರಮ್ಯಾ, ದೀಪಿಕಾ ಪರ ಬ್ಯಾಟ್ ಬೀಸಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಈ ಬಗ್ಗೆ ಪೋಸ್ಟ್ ಹಾಕಿದ್ದು, ಸಮಂತಾ ಡಿವೋರ್ಸ್ ತೆಗೆದುಕೊಂಡಾಗ ಅವರನ್ನೇ ಟ್ರೋಲ್ ಮಾಡಲಾಯ್ತು. ಯಾವುದೋ ವಿಚಾರದ ಬಗ್ಗೆ ಮಾತನಾಡಿದ್ದಕ್ಕೆ ಸಾಯಿ ಪಲ್ಲವಿ ಅವರನ್ನು ಟೀಕೆ ಮಾಡಿದ್ದಾಯ್ತು. ಈಗ ದೀಪಿಕಾ ಪಡುಕೋಣೆ ಸರದಿ. ದೀಪಿಕಾ ಅವರನ್ನು ತಾವೂ ಹಾಕಿಕೊಂಡ ಬಟ್ಟೆಯ ವಿಚಾರವಾಗಿ ಟ್ರೋಲ್ ಮಾಡುತ್ತಿದ್ದಾರೆ. ಸ್ವಾತಂತ್ರ್ಯ ನಮ್ಮ ಹಕ್ಕು, ಹೆಣ್ಣು ಮಕ್ಕಳು ದುರ್ಗಾದೇವಿಯ ಮತ್ತೊಂದು ಅವತಾರ. ಸ್ತ್ರೀ ದ್ವೇಷಿ ಅಸುರನಿದ್ದಂತೆ. ಹೀಗಾಗಿ ನಾವೂ ಹೋರಾಡಬೇಕಾಗಿದೆ ಎಂದು ಬರೆದುಕೊಂಡಿದ್ದಾರೆ.