ಅಪ್ಪು ನೋಡಲು ಬಂದ ರಾಮ-ಲಕ್ಷ್ಮಣ-ಹನುಮಂತ..!

ಬೆಂಗಳೂರು: ಇವತ್ತಿಗೆ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನಿಧನರಾಗಿ 12 ದಿನ. ನಿನ್ನೆ ಕುಟುಂಬಸ್ಥರು 11ನೇ ಪುಣ್ಯ ಸ್ಮರಣೆ ಮಾಡಿ, ಅಪ್ಪುಗಾಗಿ ವೆರೈಟಿ ವೆರೈಟಿ ಅಡುಗೆ ಮಾಡಿ, ಅಪ್ಪುಗೆ ಇಷ್ಟವಾದ್ದನ್ನೇ ಮಾಡಿ ಎಡೆ ಇಟ್ಟಿದ್ದರು.

ಅಣ್ಣಾವ್ರ ಕುಟುಂಬ ಅಭಿಮಾನಿಗಳನ್ನ ಯಾವಾಗಲೂ ದೇವ್ರು ಅಂತಾರೆ. ಅಪ್ಪುನ ಕಳೆದುಕೊಂಡ ಆ ಆಬಿಮಾನಿ ಬಳಗ ದುಃಖದಲ್ಲಿದ್ದಾರೆ. ಈ ಪುಣ್ಯ ಸ್ಮರಣೆಯಲ್ಲಿ ಅವರನ್ನು ಭಾಗಿಯಾಗುವಂತೆ ಅವಕಾಶ ಕಲ್ಪಿಸಿ ಕೊಟ್ಟಿದೆ ದೊಡ್ಮನೆ ಕುಟುಂಬ. ಅವರಿಗಾಗಿ ಪ್ಯಾಲೇಸ್ ಗ್ರೌಂಡ್ ನಲ್ಲಿ ದೊಡ್ಡದಾಗಿ ಕಾರ್ಯಕ್ರಮ ಮಾಡಿ ಅನ್ನ ಸಂತರ್ಪಣೆ ಮಾಡಿದ್ದಾರೆ.

ಇನ್ನು ಇದೇ ವೇಳೆ ಅಪ್ಪು ನೋಡಲು ದೇವರ ವೇಷದಲ್ಲಿ ಅಭಿಮಾನಿಗಳು ಬಂದಿದ್ದರು. ರಾಮ-ಲಕ್ಷಣ, ಹನುಮಂತ, ಕೆಂಪೇಗೌಡ, ಮಹಾತ್ಮ ಗಾಂಧಿ , ಅಂಬೇಡ್ಕರ್ ವೇಷ ಧರಿಸಿ ಅಭಿಮಾನಿಗಳು ಆಗಮಿಸಿದ್ದಾರೆ.