ಅಯೋಗ್ಯ’ ಚಿತ್ರದ ಯಶಸ್ಸಿನ ನಂತರ ರಚಿತಾ ರಾಮ್ ಮತ್ತು ನೀನಾಸಂ ಸತೀಶ್ ಜೊತೆಯಾಗಿ “ಮಾಟ್ನಿ” ತೋರಿಸಲು ಮುಂದಾಗಿರೋದು ಗೊತ್ತಿರೋ ವಿಚಾರ. ನಟ ನೀನಾಸಂ ಸತೀಶ್ ಮತ್ತು ರಚಿತಾ ರಾಮ್ ಎರಡನೇ ಬಾರಿ ಜೊತೆಯಾಗಿ ತೆರೆ ಹಂಚಿಕೊಳ್ಳುತ್ತಿರುವ “ಮ್ಯಾಟ್ನಿ” ಚಿತ್ರದಿಂದ ಪ್ರೇಮಿಗಳ ದಿನಕ್ಕೆ ಅಭಿಮಾನಿಗೆ ಭರ್ಜರಿ ಗಿಫ್ಟ್ ಸಿಕ್ಕಿದೆ. ಚಿತ್ರದಿಂದ ಪ್ರೇಮ ನಿವೇದನೆ ಮಾಡುವ ಸಾಲುಗಳ ಹೊತ್ತ ಟೀಸರ್ ರಿಲೀಸ್ ಆಗಿದೆ. ಈ ಮೂಲಕವೇ ಗೊತ್ತಾಗತ್ತೆ ಮ್ಯಾಟ್ನಿಯಲ್ಲಿ ರಚಿತಾ ಹಾಗು ಸತೀಶ್ ನಡುವೆ ಪ್ರೇಮಾಯಣದ ಕಥೆ ಇರೋದು ಪಕ್ಕಾ ಅಂತ..ರಿಲೀಸ್ ಆಗಿರೋ ಟೀಸರ್ ನಲ್ಲಿ ನಾಯಕ ನಾಯಕಿಗೆ ಪ್ರಪೋಸ್ ಮಾಡುವ ಸಣ್ಣ ಜಲಕ್ ತೋರಿಸಿದ್ದು ಈ ಸನ್ನಿವೇಶಕ್ಕೆ ಫ್ಯಾನ್ಸ್ ಫಿದಾ ಆಗಿದ್ದಾರೆ.
ರೋಮ್ಯಾನ್ಸ್, ಸಸ್ಪೆನ್ಸ್ ಥ್ರಿಲ್ಲರ್ ಕಥೆ ಹೊಂದಿರುವ “ಮ್ಯಾಟ್ನಿ” ಚಿತ್ರಕ್ಕೆ ಇದೇ ಮೊದಲ ಬಾರಿಗೆ ಮನೋಹರ್ ಕಾಂಪಲ್ಲಿ ಆಕ್ಷನ್ ಕಟ್ ಹೇಳುತ್ತಿದ್ದಾರೆ.ಚಿತ್ರಕ್ಕೆ ಪೂರ್ಣಚಂದ್ರ ತೇಜಸ್ವಿ ಸಂಗೀತ, ಸುಧಾಕರ್ ರಾಜ್ ಛಾಯಾಗ್ರಹಣವಿದೆ.ಲವ್ ಕಮ್ ಥ್ರಿಲ್ಲರ್ ಕಥಾ ಹಂದರದ ಮ್ಯಾಟ್ನಿಯಲ್ಲಿ , ರಚಿತಾ ಅವರಲ್ಲದೆ ಅದಿತಿ ಪ್ರಭುದೇವ ,ಶಿವರಾಜ್ ಕೆ.ಆರ್ ಪೇಟೆ ಮತ್ತಿತರ ಕಲಾವಿದರು ಚಿತ್ರದಲ್ಲಿದ್ದಾರೆ. ಒಟ್ನಲ್ಲಿ “ಆಯೋಗ್ಯ’ ಚಿತ್ರದಲ್ಲಿ ಮಾಡಿದ ಮೋಡಿಯನ್ನು ಮ್ಯಾಟ್ನಿಯಲ್ಲಿಯೂ ಮಾಡಲು ಸತೀಶ್ ಮತ್ತು ರಚಿತಾ ಜೋಡಿ ಮುಂದಾಗಿರುವಂತಿದೆ. ಎಫ್ 3 ಪ್ರೊಡಕ್ಷನ್ಸ್ ಬ್ಯಾನರ್ ನಡಿ ಪಾರ್ವತಿ ಎಸ್ ಗೌಡ ನಿರ್ಮಿಸಿರುವ ಈ ಚಿತ್ರ ಹಿಟ್ ಜೋಡಿಗಳ ಮೇಲೆ ಸಾಕಷ್ಟು ನಿರೀಕ್ಷೆ ಮೂಡಿಸಿದೆ.
