‘ಕಬ್ಜ’ ಮಾಸ್ ಲಿರಿಕಲ್ ಸಾಂಗ್ ರಿಲೀಸ್ ಬಗ್ಗೆ ಬಿಗ್ ಅಪ್ಡೇಟ್ ಕೊಟ್ಟ ಆರ್ ಚಂದ್ರು..!

ಕಬ್ಜ ಸಿನಿಮಾ ಬಗ್ಗೆ ದೊಡ್ಡ ಮಟ್ಟದ ನಿರೀಕ್ಷೆಯೇ ಇದೆ. ಈಗಾಗಲೇ ನೋಡೊರುವ ಸಿನಿಮಾ ಪೋಸ್ಟರ್, ಟೀಸರ್ ಹಲ್ ಚಲ್ ಕ್ರಿಯೇಟ್ ಮಾಡಿದೆ. ಆರ್ ಚಂದ್ರು ನಿರ್ದೇಶನದಲ್ಲಿ ಉಪೇಂದ್ರ ಹಾಗೂ ಸುದೀಪ್ ನಟಿಸಿರುವ ಸಿನಿಮಾದ ಬಗ್ಗೆ ಸಾಕಷ್ಟು ಟಾಕ್ ಕ್ರಿಯೇಟ್ ಆಗಿದೆ. ಇನ್ನು ಕಬ್ಜ ಸಿನಿಮಾದ ಲಿರಿಕಲ್ ಹಾಡನ್ನು ಫೆಬ್ರವರಿ 4ರಂದು ರಿಲೀಸ್ ಮಾಡುವುದಾಗಿ ಚಿತ್ರತಂಡ ಘೋಷಿಸಿದೆ.

ಇಂದು ಸಾಂಗ್ ಬಗ್ಗೆ ಮಾಹಿತಿ ನೀಡುವುದಕ್ಕೆ ಖಾಸಗಿ ಹೊಟೇಲ್ ಒಂದಕ್ಕೆ ಮಾಧ್ಯಮದವರನ್ನು ಕರೆದಿತ್ತು ಕಬ್ಜ ತಂಡ. ಈ ವೇಳೆ ಸಾಂಗ್ ಎಲ್ಲಿ ರಿಲೀಸ್ ಆಗುತ್ತೆ ಎಂಬ ಬಗ್ಗೆ ಮಾಹಿತಿ ನೀಡಿದ್ದಾರೆ. ಕಬ್ಜ ಸಿನಿಮಾ ಅಪ್ಪು ಹುಟ್ಟಿದ ದಿನವೇ ರಿಲೀಸ್ ಆಗುತ್ತಿರುವುದು ನಮ್ಮ ಭಾಗ್ಯ. ನಮಗೆ ಇಡೀ ಚಿತ್ರರಂಗದ ಸಪೋರ್ಟ್ ಇದೆ‌. ಪ್ಯಾನ್ ಇಂಡಿಯಾ ಲೆವೆಲ್ ಗೆ ಹೋಗುವ ತವಕದಲ್ಲಿದ್ದೇವೆ. ಕನ್ನಡ ಚಿತ್ರರಂಗ ಸದ್ಯ ಹೈವೇನಲ್ಲಿ ಹೋಗುತ್ತಿದೆ. ಸುಮ್ಮನೆ ಕೂತು ಫಸ್ಟ್ ರ್ಯಾಂಕ್ ಬರೋದಿಲ್ಲ ಎಂದಿದ್ದಾರೆ.

ಇನ್ನು ಕಬ್ಜ ಸಿನಿಮಾ ಬಹುಕೋಟಿ ವೆಚ್ಚದಲ್ಲಿ ತಯಾರಾಗಿರುವ ಅದ್ದೂರಿ ಸಿನಿಮಾ. ಇದರ ಹಾಡನ್ನು ಫೆಬ್ತವರಿ 4ರಂದು ಹೈದ್ರಾಬಾದ್ ನಲ್ಲಿ ರಿಲೀಸ್ ಮಾಡುತ್ತಿದ್ದಾರೆ. ಇದೊಂದು ಮಾಸ್ ಲಿರಿಕಲ್ ಸಾಂಗ್ ಆಗಿದೆ. ಕಬ್ಜದಿಂದ ರಿಲೀಸ್ ಆಗುತ್ತಿರುವ ಮೊದಲ ಮಾಸ್ ಹಾಡನ್ನು ಅದ್ಧೂರಿಯಾಗಿ ರಿಲೀಸ್ ಮಾಡಲಿದ್ದಾರೆ.