ಭಾರತದ ಮೈಕೆಲ್ ಜಾಕ್ಸನ್ ಎಂದೇ ಖ್ಯಾತಿ ಪಡೆದಿರುವ ನಟ ಪ್ರಭುದೇವ ಇತ್ತಿಚೆಗೆ ತಂದೆಯಾಗಿದ್ದಾರೆ. ಹೆಣ್ಣು ಮಗು ಜನಿಸಿದ ಸಂಭ್ರಮದಲ್ಲಿದ್ದಾರೆ. ಎರಡನೇ ಹೆಂಡತಿಗೆ ಹೆಣಚಣು ಮಗುವಾಗಿರುವುದು ಕುಟುಂಬದಲ್ಲಿ ಸಂತಸ ತಂದಿದೆ. ಹೀಗಾಗಿ ಬೆಂಗಳೂರು ಗ್ರಾಮಾಂತರ ಜಿಲ್ಲೆ ದೊಡ್ಡಬಳ್ಳಾಪುರದ ಘಾಟಿ ಸುಬ್ರಮಣ್ಯ ಸ್ವಾಮಿ ದೇವಾಲಯಕ್ಕೆ ಭೇಟಿ ನೀಡಿದ್ದಾರೆ.
ಪ್ರಭುದೇವ ಅವರು ತಮ್ಮ ಮೊದಲ ಪತ್ನಿಗೆ ಡಿವೋರ್ಸ್ ನೀಡಿದ ಬಳಿಕ ಸಮಯ ತೆಗೆದುಕೊಂಡು ಫಿಸಿಯೋಥೆರಪಿಸ್ಟ್ ಹಿಮಾನಿ ಸಿಂಗ್ ಅವರನ್ನು ಮದುವೆಯಾಗಿದ್ದರು. ಇದೀಗ ಹಿಮಾನಿ ಮುಂಬೈನಲ್ಲಿ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ಪ್ರಭುದೇವ ಅವರ ಕುಟುಂಬಕ್ಕೆ ಇದು ಮೊದಲ ಹೆಣ್ಣು ಮಗು. ಹೀಗಾಗಿಯೇ ಇಡೀ ಕುಟುಂಬ ಸಂಭ್ರಮದಲ್ಲಿ ತೇಲುತ್ತಿದೆ.
ಪ್ರಭುದೇವ ಅವರ ಮೊದಲ ಪತ್ನಿಗೆ ಜನಿಸಿದ್ದ ಮಕ್ಕಳಲ್ಲಿ ಒಬ್ಬ ಮಗ ತೀರಿಕೊಂಡಿದ್ದ. ಈ ವಿಚಾರವನ್ನು ಪ್ರಭುದೇವ ಅವರೇ ತಿಳಿಸಿದ್ದಾರೆ. ಈಗ ಮಗಳು ಬಂದಿರುವುದು ಮಹಾಲಕ್ಷ್ಮಿ ಬಂದಂತೆ ಖುಷಿಯಾಗಿದ್ದು, ಜೊತೆಗೆ ಹೆಣ್ಣು ಮಗು ಎಂಬ ಖುಷಿ ಡಬ್ಬಲ್ ಆಗಿದೆ. ಸದ್ಯ ಅಮ್ಮ – ಮಗು ಆರೋಗ್ಯವಾಗಿದ್ದು, ಆಸ್ಪತ್ರೆಯಲ್ಲೇ ವಿಶ್ರಾಂತಿ ಪಡೆಯುತ್ತಿದ್ದಾರೆ. ಇನ್ನು ಮಗು ಜನಿಸಿದ್ದ ಖುಷಿಯಲ್ಲಿ ಘಾಟಿ ಸುಬ್ರಮಣ್ಯ ದೇವಸ್ಥಾನಕ್ಕೆ ಭೇಟಿ ನೀಡಿ, ದೇವರಿಗೆ ವಿಶೇಷ ಪೂಜೆ ಮಾಡೊಸಿದ್ದಾರೆ.
