ತುಮಕೂರು: ಕಳೆದ ಎರಡ್ಮೂರು ದಿನದಿಂದ ಈ ಫೋಟೋವನ್ನ ನೀವೂ ನೋಡಿರ್ತೀರಾ.. ಅಯ್ಯಯ್ಯೋ ಯಾಕಿಂಗಾಯ್ತು ಅಂತ ಬಾಯ್ಮೆಲೆ ಬೆರಳು ಇಟ್ಕೊಂಡಿರ್ತೀರಾ.. ವೈಯಕ್ತಿಕ ಬದುಕು ಅಂತಾನೂ ನೋಡದೆ ಟ್ರೋಲ್ ಮಾಡುವವರಿಗೆ ಹಬ್ಬದೂಟವೂ ಆಗಿರುತ್ತೆ.. ಆದ್ರೆ ಆ ವೈರಲ್ ಆದ ಫೋಟೋ ಹಿಂದೆ ಅದೆಷ್ಟು ಕಾರಣಗಳಿವೆಯೋ.
ಈ ಘಟನೆ ನಡೆದಿರೋದು ಕುಣಿಗಲ್ ತಾಲೂಕಿನ ಚೌಡನಕುಪ್ಪೆ ಗ್ರಾಮದಲ್ಲಿ. ಈ ಫೋಟೋದಲ್ಲಿರುವ ದಂಪತಿ ಶಂಕ್ರಣ್ಣ ಮತ್ತು ಮೇಘನಾ ಅನ್ನೋ ನವ ಜೋಡಿ ಹೀಗೆ ಟ್ರೋಲ್ ಗೆ ಒಳಗಾಗಿರೋದು.
ಟ್ರೋಲ್ ಗೆ ಒಳಗಾಗೋದಕ್ಕೆ ಕಾರಣ ಅವರಿಬ್ಬರ ವಯಸ್ಸು.. ಹೌದು ಶಂಕ್ರಣ್ಣನಿಗೆ 45 ವರ್ಷ ಮೇಘನಾಗೆ ಇನ್ನು ಕೇವಲ 25 ವರ್ಷ. ಬಲ್ಲ ಮೂಲಗಳಿಂದ ಈ ಹಿಂದೆಯೇ ಮೇಘನಾಗೆ ಮದುವೆಯಾಗಿತ್ತಂತೆ. ಗಂಡ ಎರಡು ವರ್ಷಗಳಿಂದ ಬಂದಿರಲಿಲ್ಲವಂತೆ. ಹಾಗೇ ಶಂಕ್ರಣ್ಣನಿಗೆ ಮದುವೆಯೇ ಆಗಿರಲಿಲ್ಲವಂತೆ. ಮೇಘನಾನೇ ಕೇಳಿ ಮದುವೆಯಾಗಿರೋದು ಅನ್ನೋ ಮಾತಿದೆ.
ಇವರಿಬ್ಬರ ಮದುವೆಗೆ ಸಾಕಷ್ಟು ಪರ-ವಿರೋಧಗಳು ಕೇಳಿ ಬಂದಿವೆ. ಒಪ್ಪಿ ಅಪ್ಪಿ ಆಗೋ ಮದುವೆಗೆ ವಯಸ್ಸಿನ ಅಂತರವೇನು ಅನ್ನೋದು ಕೆಲವರ ವಾದವಾದ್ರೆ ಮಧು ಮಗಳೆ ಒಪ್ಪಿರುವಾಗ ಚರ್ಚೆ ಯಾಕೆ ಎಂಬ ಮಾತುಗಳು ಕೇಳಿ ಬಂದಿವೆ.
Newbie Techy