ಸತತ 3ನೇ ದಿನವೂ ಹೆಚ್ಚಾಯ್ತು ಪೆಟ್ರೋಲ್-ಡಿಸೇಲ್ ಬೆಲೆ : ಗ್ರಾಹಕ ಕಂಗಾಲು..!

ಬೆಂಗಳೂರು: ಪೆಟ್ರೋಲ್-ಡಿಸೇಲ್ ಬೆಲೆ ದಿನದಿಂದ ದಿನಕ್ಕೆ ಏರಿಕೆಯಾಗ್ತಾನೆ ಇದೆ. ಗ್ರಾಹಕರು ಕೂಡ ಯಾವಾಗ ಬೆಲೆ ಕಡಿಮೆಯಾಗುತ್ತೆ ಅಂತ ಕಾಯ್ತಿದ್ದಾರೆ. ಆದ್ರೆ ಬೆಲೆ ಕಡಿಮೆಯಾಗೋದಕ್ಕಿಂತ ದಿನೇ ದಿನೇ ಏರಿಕೆಯೇ ಆಗ್ತಾ ಇದೆ.

ಸತತ ಮೂರು ದಿನಗಳಿಂದ ಬೆಲೆ ಏರಿಕೆ ಕಂಡ ತೈಲ ಬೆಲೆ ಇಂದು ಕೂಡ 35 ಪೈಸೆ ಏರಿಕೆಯಾಗಿದೆ. ಪೆಟ್ರೋಲ್-ಡಿಸೇಲ್ ಪ್ರತಿ ಲೀಟರ್ ಗೆ 35 ಪೈಸೆ ಹೆಚ್ಚಳವಾಗಿದ್ದು, ಗ್ರಾಹಕರು ಕಣ್ಣು ಬಾಯಿ ಬಿಡುವಂತೆ ಆಗಿದೆ.

ಇಂದಿನ ಬೆಲೆ ಏರಿಕೆ ನೋಡಿದ್ರೆ ಬೆಂಗಳೂರಿನಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ಬೆಲೆ 110.37 ರೂಪಾಯಿ ಇದೆ. ಇನ್ನು ಡಿಸೇಲ್ ಗೆ ಪ್ರತಿ ಲೀಟರ್ 99.92 ಬೆಲೆ ಇದೆ. ದೆಹಲಿಯಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ಬೆಲೆ 107.24 ಇದ್ರೆ, ಡಿಸೇಲ್ ಪ್ರತಿ ಲೀಟರ್ ಗೆ 95.97 ರೂಪಾಯಿ ಆಗಿದೆ.