ಮಂಡ್ಯ : ಜೆಡಿಎಸ್ ನಲ್ಲಿರುವ ಕೆಲವು ನಾಯಕರ ವಿರುದ್ಧ ಎಲ್ ಆರ್ ಶಿವರಾಮೇಗೌಡ ಅವರು ಆಕ್ರೋಶಗೊಂಡಿದ್ದಾರೆ. ನಿಖಿಲ್ ಕುಮಾರಸ್ವಾಮಿ ಅವರನ್ನು ಮಂಡ್ಯಗೆ ಕರೆತಂದಿದ್ದು, ಯಾರು..? ಯಾಕೆ ಎಂಬುದನ್ನು ಎಳೆ ಎಳೆಯಾಗಿ ಬಿಚ್ಚಿಟ್ಟಿದ್ದಾರೆ. ನನ್ನನ್ನು ಮಟ್ಟ ಹಾಕುವುದಕ್ಕೆ ನಿಖಿಲ್ ಅವರನ್ನ ಕರೆತಂದು ಮಂಡ್ಯದಲ್ಲಿ ಬಲಿ ಕೊಟ್ಟಿದ್ದಾರೆ ಎಂದೆಲ್ಲಾ ಹೇಳಿದ್ದಾರೆ.
ಮಂಡ್ಯದ ನಾಯಕರಿಗೆ ನನ್ನನ್ನು ತೆಗೆಯಬೇಕು ಎಂಬುದು ಮೂಲ ಉದ್ದೇಶವಾಗಿತ್ತು. ಅದಕ್ಕೆ ಕೆಲ ಶಾಸಕರು ಏನೇನೋ ಕಥೆ ಕಟ್ಟಿದರು. ದೇವೇಗೌಡರಿಗೆ ಹಾಗೂ ಕುಮಾರಸ್ವಾಮಿ ಅವರಿಗೆ ನಿಖಿಲ್ ಅವರನ್ನು ಮಂಡ್ಯಗೆ ಕರೆತರುವ ಉದ್ದೇಶವೇ ಇರಲಿಲ್ಲ. ಆದರೆ ಶಾಸಕರು 75 ಸಾವಿರ ಮತ ಹಾಕಿಸುವುದು ನನ್ನ ಜವಬ್ದಾರಿ ಅಂತ ಹೇಳಿದ್ದರು. ಕುಮಾರಸ್ವಾಮಿ ಅವರ ಜೊತೆ ಮಾತುಕತೆ ನಡೆಸಿ, ನಿಖಿಲ್ ಅವರನ್ನು ನಿಲ್ಲಿಸಿದ್ದರು. ಆದರೆ ಆಮೇಲೆ ಏನಾಯ್ತು.
ನಿಖಿಲ್ ಅವರಿಗೇನೆ ಚುನಾವಣೆಯಲ್ಲಿ ನಿಲ್ಲಲು ಆಸಕ್ತಿ ಇರಲಿಲ್ಲ. ಅವರು ಒಳ್ಳೆಯ ಸಿನಿಮಾ ನಟ. ಇನ್ನು ಅವಕಾಶಗಳು ತುಂಬಾ ಇತ್ತು. ಆದ್ರೆ ಮಂಡ್ಯದ ಶಾಸಕರ ಮಾತು ಕೇಳಿ ಕುಮಾರಸ್ವಾಮಿ ಅವರು ನಿಲ್ಲಿಸಿದರು ಎಂದು ಶಿವರಾಮೇಗೌಡ ಅವರು ಬೇಸರ ಹೊರ ಹಾಕಿದ್ದಾರೆ.
Newbie Techy