ನವೆಂಬರ್ 15 ರಂದು ದೆಹಲಿಯಲ್ಲಿ ರಾಷ್ಟ್ರೀಯ ಮಕ್ಕಳ ಸಾಹಿತ್ಯ ಸಮ್ಮೇಳನ ಆಯೋಜನೆ

ಸುದ್ದಿಒನ್, ಚಿತ್ರದುರ್ಗ, ಸೆಪ್ಟೆಂಬರ್.29 : ಮಕ್ಕಳ ಸಾಹಿತ್ಯ ಪರಿಷತ್ತು ರಾಜ್ಯ ಘಟಕದ ನೇತೃತ್ವದಲ್ಲಿ ‘ರಾಷ್ಟ್ರೀಯ ಮಕ್ಕಳ ಸಾಹಿತ್ಯ ಸಮ್ಮೇಳನ’ ವನ್ನು ರಾಜಧಾನಿ ನವದೆಹಲಿಯಲ್ಲಿ ನವೆಂಬರ್ 15, 2023 ರಂದು ದೆಹಲಿಯಲ್ಲಿ ಆಯೋಜಿಸಲಾಗಿದೆ.

ಸಮ್ಮೇಳನದಲ್ಲಿ ‘ಕವಿಗೋಷ್ಠಿ ಹಾಗು ವಿಚಾರಗೋಷ್ಠಿ’ಯಲ್ಲಿ ಭಾಗವಹಿಸಲು ಚಿತ್ರದುರ್ಗ ಜಿಲ್ಲೆಯ ಪ್ರತಿಭಾವಂತ ಹೈಸ್ಕೂಲ್ / ಪಿಯುಸಿ  ವಿದ್ಯಾರ್ಥಿಗಳಿಗೆ ಅವಕಾಶವನ್ನು ಕಲ್ಪಿಸಿಕೊಡಲಾಗುವುದು.

ಭಾಗವಹಿಸಲು ಇಚ್ಛಿಸುವ ವಿದ್ಯಾರ್ಥಿಗಳು ಅಥವ ಪೋಷಕರು ಅಕ್ಟೋಬರ್ 02 ನೇ ತಾರೀಖಿನ ಒಳಗೆ ತಮ್ಮ ಮಕ್ಕಳ ಹೆಸರು, ವಿಳಾಸ ಹಾಗು ವಿವರಗಳನ್ನು ಜಿಲ್ಲಾ ಪರಿಷತ್ತು ಕಛೇರಿ : ಯೋಗೀಶ್ ಸಹ್ಯಾದ್ರಿ ಎಜುಕೇಷನ್ ಟ್ರಸ್ಟ್ (ರಿ.), ನಂ.24, 3ನೇ ಅಡ್ಡ ರಸ್ತೆ, ಎನ್.ಎಂ. ಲೇಔಟ್, ಕಾವೇರಿ ಇಂಡಸ್ಟ್ರೀಸ್ ಹತ್ತಿರ, ವಿದ್ಯಾನಗರ, ಚಿತ್ರದುರ್ಗ – 577502 ಈ ವಿಳಾಸಕ್ಕೆ ಅಥವ – 9972240239 / 9964376364 ಈ ಸಂಖ್ಯೆಗಳಿಗೆ ಸಂಪರ್ಕಿಸಬಹುದು ಎಂದು ಜಿಲ್ಲಾ ಮಕ್ಕಳ ಸಾಹಿತ್ಯ ಪರಿಷತ್ತು ಅಧ್ಯಕ್ಷ ಯೋಗೀಶ್ ಸಹ್ಯಾದ್ರಿ ತಿಳಿಸಿದ್ದಾರೆ.