ಮತದಾರರಿಗೆ ನೀಡಿದ ಹಣ ವಾಪಸ್ ನೀಡಿ ಎನ್ನುತ್ತಿದ್ದಾರೆ ಸೋತ ಬಿಜೆಪಿಯ ನಾರಾಯಣಗೌಡ..!

ಮಂಡ್ಯ: ಈ ಬಾರಿಯ ವಿಧಾನಸಭಾ ಚುನಾವಣೆಯಲ್ಲಿ ಘಟಾನುಘಟಿ ನಾಯಕರೇ ಸೋಲು ಅನುಭವಿಸಿದ್ದಾರೆ. ಬಿಜೆಪಿಯಲ್ಲಿ ಈ ಅಭ್ಯರ್ಥಿ ಗೆದ್ದೆ ಗೆಲ್ಲುತ್ತಾರೆ ಎಂದುಕೊಂಡಿದ್ದವರಿಗೆ ಜನ ಸೋಲಿನ ರುಚಿ ತೋರಿಸಿದ್ದಾರೆ. ಚುನಾವಣೆ ಅಂದ್ರೆ ಹಣದ ಹೊಳೆ ಹರಿಯುತ್ತದೆ ಎಂಬುದು ಎಲ್ಲರಿಗೂ ತಿಳಿದಿರುವಂತ ವಿಚಾರ. ಅದರಂತೆ ಮತದಾರರಿಗೆ ನೀಡಿದ್ದ ಹಣವನ್ನು ಸೋತ ಕಾರಣಕ್ಕೆ ಬಿಜೆಪಿಯ ನಾಯಕ ವಾಪಸ್ ಕೇಳುತ್ತಿದ್ದಾರೆ.

ಇಂದು ಕೆ ಆರ್ ಪೇಟೆಯಲ್ಲಿ ಮತದಾರರಿಗೆ ಕೃತಜ್ಞತಾ ಕಾರ್ಯಕ್ರಮ ಏರ್ಪಡಿಸಲಾಗಿತ್ತು. ಈ ವೇಳೆ ಮಾತನಾಡಿದ ಮಾಜಿ ಸಚಿವ ಕೆ ಸಿ ನಾರಾಯಣಗೌಡ, ಚುನಾವಣೆಯಲ್ಲಿ ಮತದಾರರಿಗೆ ಯಾರೆಲ್ಲಾ ಹಣ ಹಂಚಿಕೆ ಮಾಡಿಲ್ಲವೋ ಅವರೆಲ್ಲಾ ವಾಪಸ್ ತಂದುಕೊಡಿ. ಯಾರೆಲ್ಲಾ ಹಂಚಿಕೆ ಮಾಡಿಲ್ಲ ಎಂಬ ಮಾಹಿತಿ ನನಗೆ ಬಂದಿದೆ. ಆ ಹಣವನ್ನು ವಾಪಸ್ ತಂದುಕೊಡಿ. ನನಗೆ ಬೇಡ. ಅದನ್ನು ಟ್ರಸ್ಟ್ ಗೆ ನೀಡಿ, ಜನರ ಸೇವೆಗೆ ಬಳಸಿಕೊಳ್ಳೋಣಾ ಎಂದಿದ್ದಾರೆ.

ಚುನಾವಣೆ ಖರ್ಚಿಗೆ ಇಷ್ಟು ಹಣ ಬೇಕು ಎಂದು ಸಾಲ ಮಾಡಿ ತಂದಿದ್ದೆ. ಆದರೆ ಸಾಲ ತೀರಿಸುವ ಶಕ್ತಿಯನ್ನು ದೇವರು ನನಗೆ ಕೊಟ್ಟಿದ್ದಾನೆ‌. ಆ ಸಾಲವನ್ನು ನಾನು ತೀರಿಸುತ್ತೇನೆ. ಆದರೆ ಆ ಹಣ ವಾಪಾಸು ತಂದುಕೊಡಿ ಎಂದಿದ್ದಾರೆ.