ಸುದ್ದಿಒನ್ : ಪ್ರಧಾನಿ ನರೇಂದ್ರ ಮೋದಿ ಅವರು ಯಾವಾಗಲೂ ವಿವಿಧ ರೀತಿಯ ಉಡುಗೆಗಳಲ್ಲಿ ಕಾಣಿಸಿಕೊಳ್ಳುತ್ತಾರೆ. ಮತ್ತು ಅವರು ವಿದೇಶಕ್ಕೆ ಹೋದಾಗ, ವಿಶೇಷವಾಗಿ ದುಬಾರಿ ಸೂಟು ಮತ್ತು ಶಾಲುಗಳಲ್ಲಿ ಕಾಣಿಸಿಕೊಳ್ಳುತ್ತಾರೆ.
ಆದರೆ ಕೆಲವೊಮ್ಮೆ ಆ ಸೂಟುಗಳನ್ನು ಹರಾಜು ಕೂಡ ಹಾಕುತ್ತಾರೆ. ಆ ಹರಾಜಿನಲ್ಲಿ ದೊಡ್ಡ ಬೆಲೆಗೆ ಮಾರಾಟವಾದುದನ್ನು ನಾವು ನೋಡಿದ್ದೇವೆ. ಈ ನಿಟ್ಟಿನಲ್ಲಿ ರಾಹುಲ್ ಗಾಂಧಿ ಅವರು ಪ್ರಧಾನಿ ಮೋದಿ ಧರಿಸಿರುವ ಬಟ್ಟೆಯ ಬಗ್ಗೆ ಇತ್ತೀಚೆಗೆ ಗಂಭೀರ ಆರೋಪ ಮಾಡಿದ್ದರು. ಪ್ರಧಾನಿ ಪಡೆಯುವ ಸಂಬಳಕ್ಕೂ ಅವರು ಧರಿಸುವ ಬಟ್ಟೆಯ ಬೆಲೆಗೂ ಯಾವುದೇ ಸಂಬಂಧವಿಲ್ಲ ಎಂದು ಆರೋಪಿಸಿದ್ದರು.
PM मोदी की सैलरी 1 लाख 60 हजार रुपए महीना है।
PM मोदी महीने में 2 से 3 करोड़ का सूट पहनते हैं।
इतना पैसा कहां से आ रहा है? pic.twitter.com/fWd5Bzn0XW
— Congress (@INCIndia) February 11, 2024
ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಟೀಕಿಸಿದ್ದಾರೆ. ಪ್ರಧಾನಿ ಮೋದಿ ಅವರ ಸಂಬಳ ತಿಂಗಳಿಗೆ 1.6 ಲಕ್ಷ ರೂ.ಗಳಾಗಿದ್ದರೆ, ಅವರು ತಿಂಗಳಿಗೆ ಧರಿಸುವ ಸೂಟ್‌ಗಳ ಬೆಲೆ 2 ರಿಂದ 3 ಕೋಟಿ ರೂಪಾಯಿಗಳು. 1.6 ಲಕ್ಷ ಗಳಿಸಿದರೆ 3 ಕೋಟಿ ಸೂಟ್ ಖರೀದಿಸುವುದು ಹೇಗೆ ಎಂದು ರಾಹುಲ್ ಗಾಂಧಿ ಪ್ರಶ್ನಿಸಿದ್ದಾರೆ.
ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಗಮನಿಸಿ, ಬೆಳಗ್ಗೆ ಒಂದು ಸೂಟ್ ಧರಿಸಿರುತ್ತಾರೆ. ಮತ್ತೆ ಸಂಜೆ ವೇಳೆಗೆ ನೋಡಿದರೆ ಮತ್ತೊಂದು ಸೂಟ್ ಧರಿಸಿರುತ್ತಾರೆ. ಅವರು ಧರಿಸುವ ಪ್ರತಿಯೊಂದು ಸೂಟ್‌ಗೆ 2 ರಿಂದ 3 ಲಕ್ಷ ರೂ.ವರೆಗೂ ಖರ್ಚಾಗುತ್ತದೆ. ಹೀಗೆ ಅವರು ಧರಿಸುವ ಸೂಟು ಮತ್ತು ಶಾಲು ಸೇರಿ 4 ರಿಂದ 5 ಲಕ್ಷ ರೂ. ಆಗುತ್ತದೆ. ಪ್ರಧಾನಿ ತಮ್ಮ ಸಂಬಳಕ್ಕಿಂತ ಹೆಚ್ಚು ಬಟ್ಟೆಗೆ ಖರ್ಚು ಮಾಡುತ್ತಿದ್ದಾರೆ. ಪ್ರಧಾನಿ ಮೋದಿಗೆ ಇಷ್ಟೊಂದು ಹಣ ಎಲ್ಲಿಂದ ಬರುತ್ತಿದೆ ಎಂದು ರಾಹುಲ್ ಗಾಂಧಿ ಪ್ರಶ್ನಿಸಿದರು.
ಸದ್ಯ ರಾಹುಲ್ ಗಾಂಧಿ ಭಾರತ್ ಜೋಡೋ ನ್ಯಾಯ್ ಯಾತ್ರೆ ಮಾಡುತ್ತಿದ್ದಾರೆ. ರಾಹುಲ್ ಗಾಂಧಿ ಈ ಪ್ರವಾಸವನ್ನು ತಾತ್ಕಾಲಿಕವಾಗಿ ನಿಲ್ಲಿಸಿ ದೆಹಲಿಗೆ ತೆರಳಿದ್ದರು. ಕಾಂಗ್ರೆಸ್‌ನ ಮಾಜಿ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರು ಬುಧವಾರ ರಾಜಸ್ಥಾನದಿಂದ ರಾಜ್ಯಸಭಾ ಚುನಾವಣೆಗೆ ನಾಮಪತ್ರ ಸಲ್ಲಿಸಲಿದ್ದಾರೆ ಎಂದು ಕಾಂಗ್ರೆಸ್ ಪಕ್ಷದ ಮೂಲಗಳು ತಿಳಿಸಿವೆ. ಈ ಹಿನ್ನೆಲೆಯಲ್ಲಿ ರಾಹುಲ್ ದೆಹಲಿಗೆ ತೆರಳಿದ್ದರು. ಮಣಿಪುರದಲ್ಲಿ ಆರಂಭವಾದ ಈ ಭಾರತ್ ಜೋಡೋ ನ್ಯಾಯ್ ಯಾತ್ರೆಯು 14 ರಾಜ್ಯಗಳಲ್ಲಿ 6200 ಕಿಲೋಮೀಟರ್ ಕ್ರಮಿಸಿ ಮುಂಬೈನಲ್ಲಿ ಕೊನೆಗೊಳ್ಳಲಿದೆ. ಭಾರತ್ ಜೋಡೋ ನ್ಯಾಯ್ ಯಾತ್ರೆ ಇದೇ ತಿಂಗಳ 16 ರಂದು ಉತ್ತರ ಪ್ರದೇಶವನ್ನು ಪ್ರವೇಶಿಸಲಿದೆ.
