ರಾಷ್ಟ್ರಗೀತೆ ಕಡ್ಡಾಯದ ವಿಚಾರ ಮಾತನಾಡಿ ಮುತಾಲಿಕ್ ವಿರುದ್ಧ ಹರಿಹಾಯ್ದ ಜಮೀರ್..!

ಬೆಂಗಳೂರು: ರಾಷ್ಟ್ರಗೀತೆ ಕಡ್ಡಾಯ ಮಾಡಬೇಕೆಂಬ ಪ್ರಮೋದ್ ಮುತಾಲಿಕ್ ವಿಚಾರಕ್ಕೆ ಶಾಸಕ ಜಮೀರ್ ಅಹ್ಮದ್ ಪ್ರತಿಕ್ರಿಯೆ ನೀಡಿದ್ದು, ರಾಷ್ಟ್ರಗೀತೆ ಹಾಡಿಕೊಂಡೆ ನಾವೂ ಬಂದಿರುವುದು ಎಂದಿದ್ದಾರೆ.

ಈ ಬಗ್ಗೆ ಮಾತನಾಡುತ್ತಾ ಮುತಾಲಿಕ್ ವಿರುದ್ಧ ಹರಿಹಾಯ್ದಿರುವ ಜಮೀರ್, ರಾಷ್ಟ್ರಗೀತೆ ಕಡ್ಡಾಯ ಮಾಡಬೇಕೆಂದು ಮುತಾಲಿಕ್ ಹೇಳಿದ್ದಾರೆ. ರಾಷ್ಟ್ರಗೀತೆ ಕಡ್ಡಾಯ ಮಾಡಿದರೆ ನಮಗೂ ಖುಷಿಯೇ. ಇಷ್ಟು ವರ್ಷ ರಾಷ್ಟ್ರಗೀತೆ ಹಾಡಿಕೊಂಡೆ ಬರುತ್ತಾ ಇದ್ದೀವಿ. ಇದು ಬೇಕು ಅಂತಾನೇ ಮಾಡುತ್ತಿರೋದು ಎಂದು ಗರಂ ಆಗಿದ್ದಾರೆ.

ರಾಷ್ಟ್ರಗೀತೆ ಕಡ್ಡಾಯವಿಲ್ಲದ ಕಡೆ ನಾವೂ ರಾಷ್ಟ್ರಗೀತೆ ಹಾಡಿಲ್ಲವ..? ಮುತಾಲಿಕ್ ಕಡೆಯಿಂದ ರಾಷ್ಟ್ರಗೀತೆ ಹೇಳಿಸಿಕೊಳ್ಳಬೇಕಾ. ಇದೆಲ್ಲಾ ರಾಜಕೀಯ ಗಿಮಿಕ್ ಆಗಿದೆ. ರಾಷ್ಟ್ರಗೀತೆ ಕಡ್ಡಾಯ ಮಾಡಿದರೆ ನಮಗೂ ಖುಷಿ ಎಂದ ಜಮೀರ್, ಕಾರ್ಯಕ್ರಮದಲ್ಲಿ ರಾಷ್ಟ್ರಗೀತೆ ಹಾಡಿ, ಸಂತಸ ವ್ಯಕ್ತಪಡಿಸಿದ್ದಾರೆ. ಈ ಮೂಲಕ ಮುತಾಲಿಕ್ ಟಾಂಗ್ ಕೊಟ್ಟಿದ್ದಾರೆ.