ಬೆಂಗಳೂರು: ಸಚಿವ ಕೆ ಎಸ್ ಈಶ್ವರಪ್ಪ ಅವರು ತಮ್ಮ ಸಂಪುಟದಲ್ಲಿರುವ ಸಚಿವರ ಹೆಸರನ್ನೇ ಮರೆತೋಗಿದ್ದಾರೆ. ಯಾವಾಗಲು ಎದುರು ಬದುರಾಗುವ ಸಚಿವರ ಹೆಸರು ನೆನಪಾಗದೆ ನಗೆಪಾಟಲಿಗೆ ಈಡಾಗಿದ್ದಾರೆ.
ಇಂದು ವಿಧಾನಸೌಧದಲ್ಲಿ ಗ್ರಾಮ ಡಿಜಿ ವಿಕಸನ ಕಾರ್ಯಕ್ರಮ ನಡೆದಿದೆ. ಈ ವೇಳೆ ಸಚಿವ ಈಶ್ವರಪ್ಪ ಅವರಿಗೆ ತನ್ನವರ ಹೆಸರೇ ಮರೆತೋಗಿದೆ. ಸಚಿವರ ಕುರಿತು ಸ್ವಾಗತ ಭಾಷಣ ಮಾಡುವಾಗ ಈ ಘಟನೆ ನಡೆದಿದೆ. ಈಶ್ವರಪ್ಪ ನವರು ಸ್ವಾಗತ ಭಾಷಣ ಮಾಡಿ ಸಚಿವರನ್ನ ಕಾರ್ಯಕ್ರಮಕ್ಕೆ ಸ್ವಾಗತಿಸುತ್ತಿದ್ದರು. ಈ ವೇಳೆ ಆನಂದ್ ಸಿಂಗ್ ಅವರನ್ನ ಕಾರ್ಯಕ್ರಮಕ್ಕೆ ಸ್ವಾಗತ ಮಾಡಬೇಕಾಗಿತ್ತು.
ಆದ್ರೆ ಆನಂದ್ ಸಿಂಗ್ ಅವರ ಹೆಸರು ಈಶ್ವರಪ್ಪ ಅವರಿಗೆ ನೆನಪಾಗುತ್ತಿಲ್ಲ. ಏನು ಮಾಡೋದು ಗೊತ್ತಾಗ್ತಿಲ್ಲ. ಸ್ವಲ್ಪ ಹೊತ್ತು ಯೋಚಿಸಿ, ಬಳಿಕ ವೇದಿಕೆ ಮೇಲೆಯೇ ಇವರ ಹೆಸರೇನಪ್ಪ, ಬರ್ತಾನೆ ಇಲ್ಲ ಅಂತ ಈಶ್ವರಪ್ಪ ವೇದಿಕೆ ಮೇಲೆ ನೆರೆದಿದ್ದವರನ್ನ ಕೇಳಿದ್ದಾರೆ. ವೇದಿಕೆ ಮೇಲಿದ್ದವರು ಈಶ್ವರಪ್ಪ ಅವರಿಗೆ ಸಹಾಯ ಮಾಡಿದ್ದಾರೆ. ಆನಂದ್ ಸಿಂಗ್ ಎಂದಿದ್ದಾರೆ. ವಿಜಯನಗರದ ರುವಾರಿ ಎಂದಿದ್ದಾರೆ. ಅದಕ್ಕೆ ನೋಡಿ ಬಹಳ ಆನಂದವಾಗಿದ್ದಾರೆಂದು ವೇದಿಕೆ ಮೇಲೆ ಹಾಸ್ಯ ಚಟಾಕಿ ಹಾರಿಸಿದ್ದಾರೆ.
Newbie Techy