ಬಾಗಲಕೋಟೆ: ಕಳೆದ ಕೆಲವು ದಿನಗಳಿಂದ ಸಿದ್ದರಾಮಯ್ಯ ಅವರು ಆಡಿದ ಮಾತು ಸಿಕ್ಕಾಪಟ್ಟೆ ಚರ್ಚೆಗೆ ಕಾರಣವಾಗಿದೆ. ಜೈನ ಧರ್ಮದ ಮಹಿಳೆಯರು ತಲೆ‌ಮೇಲೆ ಬಟ್ಟೆ ಹಾಕುತ್ತಾರೆ, ಸ್ವಾಮೀಜಿಗಳು ಹಾಕುತ್ತಾರೆ ಎಂದು ಕೊಟ್ಟ ಉದಾಹರಣೆ ಇಂದು ವಿವಾದಕ್ಕೆ ಕಾರಣವಾಗಿದೆ.
ಈ ಸಂಬಂಧ ಜಿಲ್ಲೆಯಲ್ಲಿ ಆಕ್ರೋಶ ಹೊರ ಹಾಕಿರುವ ಸಚಿವ ಈಶ್ವರಪ್ಪ, ವೀರಶೈವ, ಲಿಂಗಾಯತ ಎಂದು ಒಡೆಯಲು ಯತ್ನಿಸಿದ್ರು. ಈಗ ಹಿರಿಯ, ಕಿರಿಯ ಸ್ವಾಮೀಜಿ ಎಂದು ಒಡೆಯಲು ಯತ್ನಿಸಿದ್ರು ಎಂದು ಸಿದ್ದರಾಮಯ್ಯ ವಿರುದ್ಧ ಸಚಿವ ಈಶ್ವರಪ್ಪ ವಾಗ್ದಾಳಿ ನಡೆಸಿದ್ದಾರೆ.
ದಪ್ಪ ಇದ್ದಾರೋ, ಎತ್ತರವಿದ್ದಾರೋ, ಹಣದಲ್ಲಿ ಹೆಚ್ಚಿದ್ದಾರೋ..? ಹಿರಿಯ ಸ್ವಾಮೀಜಿಗಳಂದ್ರೆ ಸಿದ್ದರಾಮಯ್ಯ ಅವರದ್ದು ಏನು ಲೆಕ್ಕ..? ಸಿದ್ದರಾಮಯ್ಯ ಮೆದುಳೊಂದು ತೆಳ್ಳಗಿದೆ. ಅದನ್ನ ಬಿಟ್ರೆ ಅವರು ಹಿರಿಯರು ಎಂಬುದು ಉದ್ಭವಿಸಲ್ಲ ಎಂದು ವಾಗ್ದಾಳಿ ನಡೆಸಿದ್ದಾರೆ.
