ಮಂಡ್ಯ: ಕೋಳಿ ತುಂಬಿದ ಕ್ಯಾಂಟರ್ ಪಲ್ಟಿಯಾದ ಪರಿಣಾಮ ಒಂದೂವರೆ ಟನ್ ಕೋಳಿ ಸಾವನ್ನಪ್ಪಿರುವ ಘಟನೆ ಚಿಕ್ಕಕೊಪ್ಪಲು ಗ್ರಾಮದಲ್ಲಿ ಬಳಿ ನಡೆದಿದೆ. ಕ್ಯಾಂಟರ್ ಬಿದ್ದ ರಭಸಕ್ಕೆ ಒಂದು ಕೋಳಿಯೂ ಬದುಕಿಲ್ಲ. ನೋಡಿದವರ ಮನಸ್ಸು ಮರುಗುವಂತಾಗಿದೆ. ಕೋಳಿ ಸಾಕಿದ ರೈತ ಈಗ ಬೇಸರದ ಜೊತೆಗೆ ನಷ್ಟದಲ್ಲೂ ಸಿಲುಕುವಂತಾಗಿದೆ.
ಈ ಕೋಳಿಗಳು ರಾಮಚಂದ್ರಪ್ಪ ಎಂಬುವವರಿಗೆ ಸೇರಿದ್ದಾಗಿದೆ. ತಮ್ಮ ಫಾರಂ ಹೌಸ್ ನಿಂದ ಸುಗುಣ ಚಿಕನ್ ಕಂಪನಿಗೆ ಸಾಗಾಣಿಕೆ ಮಾಡಲಾಗುತ್ತಿತ್ತು. ಆದ್ರೆ ಚಿಕ್ಕಕೊಪ್ಪಲು ಬಳಿ ರಸ್ತೆ ಕಿರಿದಾಗಿತ್ತು. ಕಿರಿದಾದ ರಸ್ತೆಯಲ್ಲಿ ಸಾಗುವಾಗ ಈ ಘಟನೆ ಸಂಭವಿಸಿದೆ.
ಶಿವಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದ್ದು, ಕೋಳಿ ಸಾಕಾಣಿಕೆದಾರ ಹಾಗೂ ಕಂಪನಿ ಎರಡು ನಷ್ಟದಲ್ಲಿ ಸಿಲುಕಿದ್ದಾರೆ.
