ಪ್ರತಿ ಬಾರಿಯೂ ಅವರೇ ಸಚಿವರಾಗೋದಕ್ಕೆ ನೋವಿದೆ : ಶಾಸಕ ರೇಣುಕಾಚಾರ್ಯ ಅಸಮಾಧಾನ

ದಾವಣಗೆರೆ: ಪ್ರತಿ ಸಲ ಸಚಿವರಾದವರೇ ಮತ್ತೆ ಮತ್ತೆ ಸಚಿವರಾಗ್ತಾ ಇದ್ದಾರೆ. ನಮ್ಮ ಕ್ಷೇತ್ರದಲ್ಲಿ ನನಗೆ ಕೊಟ್ಟ ಹುದ್ದೆಯಿಂದ ಯಾವುದೇ ಕೆಲಸ ಆಗ್ತಾ ಇಲ್ಲ ಎಂದು ಸಿಎಂ ರಾಜಕೀಯ ಕಾರ್ಯದರ್ಶಿ, ಶಾಸಕ ರೇಣುಕಾ ಚಾರ್ಯ ಅಸಮಾಧಾನ ಹೊರ ಹಾಕಿದ್ದಾರೆ.

ಕ್ಷೇತ್ರಕ್ಕೆ ಯಾವುದೇ ಕೆಲಸ‌ ಮಾಡಲು ಆಗ್ತಿಲ್ಲ. ಮಕ್ಕಳು ಅತ್ತಾಗ ಜಾತ್ರೆಯಲ್ಲಿ ಕೊಡಿಸುವಂತೆ ನನಗು ಒಂದು ಕಾರು ಕೊಟ್ಟಿದ್ದಾರೆ ಅಷ್ಟೆ. ಆದ್ರೆ ಕಳೆದ ಮೂರು ಅವಧಿಯಲ್ಲಿ ಸಚಿವರಾಗಿದ್ದವರೇ ಇಂದು‌ ಕೂಡ ಸಚಿವರಾಗಿದ್ದಾರೆ. ಇದು ನನಗೆ ನೋವು ತಂದಿದೆ.

ಮಾಜಿ ಸಿಎಂ ಬಿ ಎಸ್ ಯಡಿಯೂರಪ್ಪ ಅವರು ಹೇಳಿದ ಹಾಗೇ ನಾನು ಸೇರಿದಂತೆ ಹಲವು ಶಾಸಕರು ಹಮಾಲಿ ಕೂಡ ಮಾಡಿದ್ದೇವೆ. ಈ ಮೊದಲಿದ್ದವರನ್ನ ಸಚಿವ ಸಂಪುಟದಿಂದ ಕೈಬಿಡಬೇಕು. ಅವರೆಲ್ಲರೂ ಪಕ್ಷ ಸಂಘಟನೆಯಲ್ಲಿ ತೊಡಗಿಸಿಕೊಳ್ಳಲಿ. ಈ ಕುರಿತು ಸಿಎಂ ಬೊಮ್ಮಾಯಿ, ಬಿಎಸ್ವೈ ಮತ್ತು ರಾಷ್ಟ್ರೀಯ ನಾಯಕರಿಗೆ ಮನವರಿಕೆ ಮಾಡಿಕೊಡಬೇಕು ಎಂದು ತಮ್ಮ ಬೇಸರ ಹೊರ ಹಾಕಿದ್ದಾರೆ.