ಮತ್ತೊಂದು ಆಡಿಯೋ ವೈರಲ್.. ಮಹಿಳಾ ಅಧಿಕಾರಿ ಜೊತೆ ಶಾಸಕರ ಮಾತು ಕೇಳಿ ಜನ ಶಾಕ್..!

ಕೊಪ್ಪಳ: ಇತ್ತೀಚೆಗೆ ರಾಜಕಾರಣಿಗಳ ಸಂಥಿಂಗ್ ಸಂಥಿಂಗ್ ಆಡಿಯೋ, ವಿಡಿಯೋಗಳು ಆಗಾಗ ವೈರಲ್ ಆಗ್ತಾನೆ ಇರುತ್ವೆ. ಇದೀಗ ಕೊಪ್ಪಳ ಜಿಲ್ಲೆಯ ಕನಕಗಿರಿ ಶಾಸಕ ಬಸವರಾಜ್ ದಡೇಸುಗೂರು ಅವರದೆನ್ನುವ ಆಡಿಯೋವೊಂದು ವೈರಲ್ ಆಗಿದೆ.

ಅದು ಮಹಿಳಾ ಅಧಿಕಾರಿಯ ಜೊತೆಗಿನ ಸಂಭಾಷಣೆ. ಈ ಸಂಭಾಷಣೆ ಕೇಳಿ, ಜಿಲ್ಲೆಯ ಜನ ಬಾಯಿ ಮೇಲೆ ಬೆರಳಿಟ್ಟುಕೊಂಡಿದ್ದಾರೆ. ಇವ್ರಾ, ಹೀಗೆಲ್ಲಾ ಮಾತಾಡಿದ್ದು, ನಾಚಿಕೆಯಾಗಲ್ವಾ ಎಂಬ ಮಟ್ಟಿಗೆ ಬೈಗುಳ ಶುರು ಮಾಡಿದ್ದಾರಂತೆ. ಹಾಗಾದ್ರೆ ಆ ಆಡಿಯೋದಲ್ಲಿ ಏನಿದೆ ಗೊತ್ತಾ..?

ಆ‌ ಮಹಿಳೆಯ ಧ್ವನಿ ಮಹಿಳಾ ಮತ್ತು ಮಕ್ಕಳಾ ಅಭಿವೃದ್ಧಿ ಇಲಾಖೆ ಅಧಿಕಾರಿಯದ್ದು ಎನ್ನಲಾಗುತ್ತಿದೆ. ಆ ಆಡಿಯೋದಲ್ಲಿ ಮಹಿಳೆ ಮಾತಾಡಿದ್ದು, ಸರ್ ನಾನು ಒಬ್ಬಳೇ ಬರ್ತಾ ಇದ್ದೀನಿ. ದಯಮಾಡಿ ನಾನು ಇರಿಟೇಟ್ ಆಗಿ ನಾನು ಏನೋ ಮಾಡೋ ಥರ ಮಾಡ್ಬೇಡಿ. ತಲೆ ಕೆಟ್ಟು ನಾನು ಏನಾದ್ರೂ ಮಾಡ್ದೆ ಅಂದ್ರೆ. ಎಲ್ಲಾದ್ರೂ ಹಾಳಾಗೋಗುತ್ತೆ. ಮರ್ಯಾದೆಯಿಂದ ಹೇಳಕತ್ತೀನಿ ನನಗೆ ಸರಿಯಾಗಿ ರೆಸ್ಪಾಂಡ್ ಮಾಡಿದ್ರೆ ಸರಿ. ಇಲ್ಲಂದ್ರೆ ಕೆಟ್ಟೆ ಹೋಗ್ತದ ನಾನ ಹೇಳ್ತೀನಿ ಎಂಬ ಮಹಿಳೆಯ ಹೇಳಿಕೆಗೆ, ಶಾಸಕರ ಮಾತು ಹೀಗಿದೆ.

ನನಗಂತೂ ಏನು ಗೊತ್ತಿಲ್ಲ. ಆ ಬಗ್ಗೆ ಏನೂ ಐಡಿಯಾ ಇಲ್ಲ ಅಷ್ಟೊಂದು. ಈ ಥರ ಜಗಳಗಂಟಿನ ನಾನೇಲ್ಲೂ ನೋಡಿಲ್ಲ ಎಂದಿದ್ದಾರೆ.

ಆಗ ಮಹಿಳೆ ಜಗಳಗಂಟಿನಾ ನಿನ್ನ ಟಾರ್ಚರ್ ಯಾವನ್ ತಡೆದುಕೊಳ್ತಾನೆ ಎಂದಿದ್ದಾರೆ. ಹೀಗೆ ಮಾತುಗಳು ಮುಂದುವರೆದಿದ್ದು, ಆಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗಿದೆ.