ಕಾನೂನು ಬಾಹಿರವಾಗಿ ಅಂಗನವಾಡಿ ಕಾರ್ಯಕರ್ತೆ ನೇಮಕ : ಪ್ರತಿಭಟನೆ

ವರದಿ ಮತ್ತು ಫೋಟೋ ಕೃಪೆ
ಕೆ.ಎಂ. ಮುತ್ತುಸ್ವಾಮಿ ಕಣ್ಣನ್,
ಮೊ : 78998 64552

ಸುದ್ದಿಒನ್, ಚಿತ್ರದುರ್ಗ, ಏಪ್ರಿಲ್. 28 : ಸ್ಥಳೀಯರಲ್ಲದ ಆಶಾರಾಣಿ ಕೋಂ ಮಂಜುನಾಥ್ ಇವರನ್ನು ಅಂಗನವಾಡಿ ಕಾರ್ಯಕರ್ತೆ ಹುದ್ದೆಗೆ ಆಯ್ಕೆ ಮಾಡಿರುವ ಹೊಳಲ್ಕೆರೆ ತಹಶೀಲ್ದಾರ್ ಮಹಿಳಾ ಮತ್ತು ಮಕ್ಕಳ ಅಭಿವೃದ್ದಿ ಇಲಾಖೆ ಅಧಿಕಾರಿ ವಿರುದ್ದ ಕಾನೂನು ರೀತಿಯ ಕ್ರಮ ಕೈಗೊಳ್ಳುವಂತೆ ಹೊಳಲ್ಕೆರೆ ತಾಲ್ಲೂಕು ಬಿ.ದುರ್ಗ ಹೋಬಳಿ ಶೃಂಗೇರಿ
ಹನುಮನಹಳ್ಳಿ ಗೊಲ್ಲರಹಟ್ಟಿಯ ದೀಪ ಕೋಂ ಶಿವರಾಜ್‍ರವರು ನ್ಯಾಯವಾದಿ ಸೌಮ್ಯ ಜೋಗಿ ನೇತೃತ್ವದಲ್ಲಿ ಜಿಲ್ಲಾಧಿಕಾರಿ ಕಚೇರಿ ವೃತ್ತದಲ್ಲಿ ಕುಟುಂಬದೊಂದಿಗೆ ಸೋಮವಾರ ಧರಣಿ ನಡೆಸಿ ಜಿಲ್ಲಾಡಳಿತದ ಮೂಲಕ ಪ್ರಧಾನಿ ನರೇಂದ್ರಮೋದಿಗೆ ಮನವಿ ಸಲ್ಲಿಸಿದರು.

ಚಳ್ಳಕೆರೆ ತಾಲ್ಲೂಕು ತಳಕು ಹೋಬಳಿಯ ತಿಮ್ಮಪ್ಪನಹಳ್ಳಿ ಗೊಲ್ಲರಹಟ್ಟಿಯ ಆಶಾರಾಣಿ ದಿನಾಂಕ : 24-5-2021 ರಲ್ಲಿ ವಿವಾಹವಾಗಿದ್ದು, ನಕಲಿ ದಾಖಲೆಗಳನ್ನು ಸೃಷ್ಟಿಸಿ ಅಂಗನವಾಡಿ ಕಾರ್ಯಕರ್ತೆ ಹುದ್ದೆಯನ್ನು ಗಿಟ್ಟಿಸಿಕೊಂಡಿರುವುದರಿಂದ ಸ್ಥಳೀಯಳಾಗಿರುವ ನನಗೆ ಅನ್ಯಾಯವಾಗಿದೆ. ಬಿ.ದುರ್ಗ ನಾಡ ಕಚೇರಿ ಸೆಕ್ರೆಟರಿ, ಹೊಳಲ್ಕೆರೆ ತಾಲ್ಲೂಕು ಶಿಶು ಅಭಿವೃದ್ದಿ ಅಧಿಕಾರಿ ಮತ್ತು ಉಪ ವಿಭಾಗಾಧಿಕಾರಿ, ಜಿಲ್ಲಾಧಿಕಾರಿ ಗಮನಕ್ಕೂ ತಂದಿರುತ್ತೇನೆ. ಕಾನೂನುಬದ್ದವಾಗಿ ಅಂಗನವಾಡಿ ಕಾರ್ಯಕರ್ತೆ ಹುದ್ದೆಗೆ ಅರ್ಹಳಾಗಿರುವ ನನಗೆ ಅಂಗನವಾಡಿ ಕಾರ್ಯಕರ್ತೆ ಹುದ್ದೆ ಸಿಗಬೇಕು. ತಾತ್ಕಾಲಿಕ ಆಯ್ಕೆ ಪಟ್ಟಿಯಲ್ಲಿ ಆಶಾರಾಣಿ ಕೋಂ ಮಂಜುನಾಥ್ ಇವರ ಹೆಸರನ್ನು ತಡೆಹಿಡಿಯಲಾಗಿದೆ. ಆದರೆ ದಿನಾಂಕ : 20-3-2025 ರಂದು ಪ್ರಕಟಿಸಿರುವ ಆಯ್ಕೆ ಪಟ್ಟಿಯಲ್ಲಿ ಆಶಾರಾಣಿ ಕೋಂ ಮಂಜುನಾಥ್‍ರವರ ಹೆಸರಿರುವುದು ನನಗೆ ಅನ್ಯಾಯವಾಗಿದೆ. ಹಾಗಾಗಿ ಸ್ಥಳೀಯಳಲ್ಲದ ಆಶಾರಾಣಿಯ ಆಯ್ಕೆಯನ್ನು ರದ್ದುಪಡಿಸಿ ಅಂಗನವಾಡಿ ಕಾರ್ಯಕರ್ತೆ ಹುದ್ದೆಯನ್ನು ನನಗೆ ನೀಡುವಂತೆ ದೀಪ ಆಗ್ರಹಿಸಿದರು.

ಮಹೇಶ್ವರಿ, ಗಂಗಮ್ಮ ಟಿ, ಜಯಮ್ಮ, ರಮೇಶ, ಲಕ್ಷ್ಮಿಕಾಂತ್, ಅಶೋಕ್ ಬೆಳಗಟ್ಟ ಇವರುಗಳು ಪ್ರತಿಭಟನೆಯಲ್ಲಿದ್ದರು.