ನಟ ಉಪೇಂದ್ರ ಆರೋಗ್ಯ ಸಮಸ್ಯೆಯಿಂದ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಮೂಲಗಳ ಪ್ರಕಾರ ಶೂಟಿಂಗ್ ಸಮಯದಲ್ಲಿ ಧೂಳು ಇದ್ದಿದ್ದರಿಂದ ಉಸಿರಾಟದ ಸಮಸ್ಯೆ ಆಗಿದೆ ಎನ್ನಲಾಗಿದೆ. ತಕ್ಷಣ ಅವರನ್ನು ನೆಲಮಂಗಲದಲ್ಲಿದ್ದ ಖಾಸಗಿ ಆಸ್ಪತ್ರೆಗೆ ದಾಖಲಿಸಿ, ಚಿಕಿತ್ಸೆ ನೀಡಿದ್ದಾರೆ.
ಉಪೇಂದ್ರ ಅವರಿಗೆ ದಿಢೀರ್ ಆರೋಗ್ಯ ಸಮಸ್ಯೆ ಕಾಡಿದ್ದಕ್ಕೆ ಅಭಿಮಾನಿಗಳೆಲ್ಲಾ ಒಂದು ಕ್ಷಣ ಶಾಕ್ ಆಗಿದ್ದರು. ಅವರ ಆರೋಗ್ಯದ ಅಪ್ಡೇಟ್ ತಿಳಿಯಲು ತಡಕಾಡಿದರು. ಇದೀಗ ಸ್ವತಃ ಉಪೇಂದ್ರ ಅವರೇ ತಮ್ಮ ಆರೋಗ್ಯದ ಬಗ್ಗೆ ಮಾಹಿತಿ ನೀಡಿದ್ದಾರೆ. ನಾನು ಆರೋಗ್ಯವಾಗಿದ್ದೇನೆ ಎಂದು ತಿಳಿಸಿದ್ದಾರೆ.
ಈ ಸಂಬಂಧ ವಿಡಿಯೋವೊಂದನ್ನು ಮಾಡಿದ್ದು, ನನಗೆ ಏನು ಆಗಿಲ್ಲ. ನಾನೀಗ ಆರಾಮವಾಗಿದ್ದೀನಿ ಎಂದಿದ್ದಾರೆ. ಬಹಳ ಬೇಗ ಚೇತರಿಸಿಕೊಂಡಿದ್ದು, ಮತ್ತೆ ಶೂಟಿಂಗ್ ನಲ್ಲೂ ಉಪೇಂದ್ರ ಅವರು ಪಾಲ್ಗೊಂಡಿದ್ದಾರೆ. ಶೂಟಿಂಗ್ ಸ್ಪಾಟ್ ಗೆ ಹೋಗುವಾಗಲೇ ಈ ವಿಡಿಯೋ ಮಾಡಿದ್ದಾರೆ.
ನನಗೆ ಏನು ಆಗಿಲ್ಲ. ನಾನು ಶೂಟಿಂಗ್ ಸ್ಪಾಟ್ ಗೆ ಹಿಂತಿರುಗುತ್ತಿದ್ದೇನೆ. ನೋಡಿ ಅಂತ ಶೂಟಿಂಗ್ ಸ್ಪಾಟ್ ಕೂಡ ತೋರಿಸಿದ್ದಾರೆ. ಥ್ರಿಲ್ಲರ್ ಮಂಜು ಅವರನ್ನು ಸಹ ವಿಡಿಯೋ ಮೂಲಕ ತೋರಿಸಿದ್ದಾರೆ. ಈ ವಿಡಿಯೋ ನೋಡಿದ ಅಭಿಮಾನಿಗಳು ಸದ್ಯ ನಿಟ್ಟುಸಿರು ಬಿಟ್ಟಿದ್ದಾರೆ. ಹೀಗೆ ಆರೋಗ್ಯವಾಗಿರಿ ಎಂದು ಹಾರೈಸಿದ್ದಾರೆ.
