ಚಳ್ಳಕೆರೆಯಲ್ಲಿ ಹೃದಯ ವಿದ್ರಾವಕ ಘಟನೆ | ಇಬ್ಬರು ಮಕ್ಕಳನ್ನು ನೀರಿನಲ್ಲಿ ಮುಳುಗಿಸಿ ನೇಣಿಗೆ ಶರಣಾದ ತಾಯಿ

ವರದಿ ಮತ್ತು ಫೋಟೋ ಕೃಪೆ
ಸುರೇಶ್ ಬೆಳಗೆರೆ
ಮೊ : 97398 75729

ಸುದ್ದಿಒನ್, ಚಳ್ಳಕೆರೆ, ಡಿಸೆಂಬರ್.08 : ಇಬ್ಬರು ಮಕ್ಕಳನ್ನು ಪಾತ್ರ ನೀರಿನಲ್ಲಿ ಮುಳುಗಿಸಿ ತಾನು ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಹೃದಯ ವಿದ್ರಾವಕ ಘಟನೆ  ನಡೆದಿದೆ.

ತಾಲೂಕಿನ ಯಲಗಟ್ಟೆ ಗ್ರಾಮದ ಲತಾ (28), ಪ್ರಣೀತ (5) ಹಾಗೂ ಜ್ಞಾನೇಶ್(1) ಆತ್ಮಹತ್ಯೆ ಗೆ ಶರಾಣಾದವರು.

ಲತಾ ಅವರ ಪತಿ ತಿಪ್ಪೇಸ್ವಾಮಿಯವರು, ಎಂದಿನಂತೆ ರೇಷ್ಮೆ ಸೊಪ್ಪು ಕಟಾವ್ ಮಾಡಲು ಹೊರಗಡೆ ಹೋದಾಗ ಮನೆಯಲ್ಲಿ ಯಾರು ಇಲ್ಲದ ವೇಳೆ ಮಕ್ಕಳ ಜೊತೆ ಇದ್ದ ಗೃಹಿಣಿ ತನ್ನ‌ ಮನೆಯ ನೀರಿನ ತೊಟ್ಟಿನಲ್ಲಿ ಮಗ ಪ್ರಣೀತನನ್ನು ಹಾಗೂ ಒಂದು ವರ್ಷದ ಮಗು ಜ್ಞಾನೇಶ್ ನನ್ನು ನೀರಿನಲ್ಲಿ ಮುಳುಗಿಸಿ ತಾಯಿ ಲತಾ ನೇಣಿಗೆ ಶರಾಣದ ಹೃದಯ ವಿದ್ರಾವಕ ಘಟನೆ ಜರುಗಿದೆ.

ಘಟನಾ ಸ್ಥಳಕ್ಕೆ ಪಿ. ಐ. ಆರ್ ಎಫ್ ದೇಸಾಯಿ ಹಾಗೂ ಸತೀಶ್ ನಾಯಕ್ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.