ಚಿತ್ರದುರ್ಗ, (ಮೇ.21) : ನಗರದ ತರಳಬಾಳು ನಗರದಲ್ಲಿರುವ ಗಾರ್ಡಿಯನ್ ಏಂಜಲ್ ಆಂಗ್ಲ ಮಾಧ್ಯಮ ಪ್ರೌಢಶಾಲೆಯು 2021-22 ರ ಸಾಲಿನ ಎಸ್ ಎಸ್ ಎಲ್ ಸಿ ಪರೀಕ್ಷೆಯಲ್ಲಿ ಶೇ. 100 ರಷ್ಟು ಫಲಿತಾಂಶವನ್ನು ದಾಖಲಿಸಿದೆ .
ಶಾಲೆಯ 41 ವಿದ್ಯಾರ್ಥಿಗಳಲ್ಲಿ 10 ವಿದ್ಯಾರ್ಥಿಗಳು ಶೇ. 95ಕ್ಕಿಂತ ಹೆಚ್ಚು , 8 ವಿದ್ಯಾರ್ಥಿಗಳು ಶೇ. 90 ಕ್ಕಿಂತ ಹೆಚ್ಚು , 8 ವಿದ್ಯಾರ್ಥಿಗಳು ಶೇ. 85 ಕ್ಕಿಂತ ಹೆಚ್ಚು, 7 ವಿದ್ಯಾರ್ಥಿಗಳು ಶೇ. 80 ಕ್ಕಿಂತ ಹೆಚ್ಚು , 3 ವಿದ್ಯಾರ್ಥಿಗಳು ಶೇ. 75 ಕ್ಕಿಂತ ಹೆಚ್ಚು , 4 ವಿದ್ಯಾರ್ಥಿಗಳು ಶೇ. 70 ಕ್ಕಿಂತ ಹೆಚ್ಚು ಹಾಗೂ ಒಬ್ಬ ವಿದ್ಯಾರ್ಥಿ ಶೇ. 66 ಅಂಕಗಳನ್ನು ಪಡೆದು ತೇರ್ಗಡೆ ಹೊಂದಿದ್ದಾರೆ.
ಭೂಮಿಕಾ ಎಸ್ – 620, ಶಮಿತಾ ನಾಗರಾಜ – 619 , ಭೂಮಿಕಾ ಜಿ ಎಂ – 618, ಶರ್ವಾಣಿ ಡಿ ಎಂ – 618, ಚಿನ್ಮಯ್ ಜಿ – 604 , ಪ್ರಭಾಶ್ ಕುಮಾರ್ ಆರ್ – 603 , ಪೂಜಾ ಆರ್ – 600 ಅಂಕಗಳನ್ನು ಗಳಿಸಿದ್ದಾರೆ.
ಕನ್ನಡದಲ್ಲಿ 5, ಇಂಗ್ಲಿಷ್ 3, ಹಿಂದಿ 3, ಗಣಿತ 2, ವಿಜ್ಞಾನ 2, ಸಮಾಜ ವಿಜ್ಞಾನ 5 ವಿದ್ಯಾರ್ಥಿಗಳು ಶೇ . 100 ರಷ್ಟು ಅಂಕಗಳನ್ನು ಗಳಿಸಿದ್ದಾರೆ.
ಮಕ್ಕಳ ಉತ್ತಮ ಪರಿಶ್ರಮದ ಫಲಿತಾಂಶಕ್ಕೆ ಶಾಲೆಯ ಆಡಳಿತ ಮಂಡಳಿ ಸದಸ್ಯರು , ವ್ಯವಸ್ಥಾಪಕರು , ಮುಖ್ಯೋಪಾಧ್ಯಾಯರು , ಬೋಧಕ ವರ್ಗದವರು ಮತ್ತು ಬೋಧಕೇತರ ಸಿಬ್ಬಂದಿ ವರ್ಗದವರೆಲ್ಲರೂ ಅಭಿನಂದನೆಗಳ ಮೂಲಕ ಶುಭ ಕೋರಿದ್ದಾರೆ.
