ಚಿತ್ರದುರ್ಗದಲ್ಲಿ ಗಾಂಜಾ ಮಾರಾಟ ; ನಾಲ್ವರ ಬಂಧನ

ವರದಿ ಮತ್ತು ಫೋಟೋ ಕೃಪೆ
ಸುರೇಶ್ ಬೆಳಗೆರೆ, ಚಳ್ಳಕೆರೆ
ಮೊ : 8431413188

ಸುದ್ದಿಒನ್, ಚಿತ್ರದುರ್ಗ, ಡಿಸೆಂಬರ್. 18 : ನಗರ ಠಾಣೆಯ ಪೊಲೀಸರು ಭರ್ಜರಿ ಕಾರ್ಯಾಚರಣೆ ನಡೆಸಿ, ನಾಲ್ವರು ಗಾಂಜಾ ಪೆಡ್ಲರ್‌ಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಅವರಿಂದ 1 ಕೆಜಿ 250 ಗ್ರಾಂ ಗಾಂಜಾ ವಶಕೊಂಡಿದ್ದಾರೆ.

ನಗರದ ವಿದ್ಯಾನಗರದ ಏಳುಕೋಟಿ ಬಡಾವಣೆಯಲ್ಲಿ ನಿನ್ನೆ (ಡಿಸೆಂಬರ್. 17 ರ ಬುಧವಾರ) ಗಾಂಜಾ ಮಾರಾಟ
ಮಾಡುತ್ತಿದ್ದಾಗ ಪೊಲೀಸರು ಈ ಪೆಡ್ಲರ್‌ಗಳನ್ನು ರೆಡ್
ಹ್ಯಾಂಡ್ ಆಗಿ ಹಿಡಿದು ಬಂಧಿಸಿದ್ದಾರೆ.

ಬಂಧಿತ ಆರೋಪಿಗಳನ್ನು ಸಾದತ್, ಪ್ರಜ್ವಲ್, ಮೌಸಿನ್ ಮತ್ತು ರೆಹಮಾನ್ ಎಂದು ಗುರುತಿಸಲಾಗಿದೆ. ಈ ವೇಳೆ ಗಾಂಜಾ, ಒಂದು ಕಾರು ಹಾಗೂ ಎರಡು ಬೈಕ್‌ಗಳನ್ನು
ವಶಪಡಿಸಿಕೊಳ್ಳಲಾಗಿದೆ. ಡಿವೈಎಸ್‌ಪಿ ದಿನಕ‌ರ್
ಮತ್ತು ಪಿಐ ಉಮೇಶ್ ಬಾಬು ನೇತೃತ್ವದಲ್ಲಿ ಈ
ಯಶಸ್ವಿ ಕಾರ್ಯಾಚರಣೆ ನಡೆಸಲಾಗಿದೆ. ಈ ಸಂಬಂಧ
ಚಿತ್ರದುರ್ಗ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ
ದಾಖಲಿಸಿಕೊಳ್ಳಲಾಗಿದೆ.