ರಾಜ್ಯಾದ್ಯಂತ ಭರ್ಜರಿ ಓಪನಿಂಗ್ ಪಡೆದುಕೊಂಡ ಅಪ್ಪು ಕನಸಿನ ಕೂಸು ಗಂಧದ ಗುಡಿ

ಪವರ್ ಸ್ಟಾರ್ ಪುನೀತ್ ರಾಜ್‍ಕುಮಾರ್ ಕನಸಿನ ಕೂಸು ಗಂಧದ ಗುಡಿ ಸಿನಿಮಾ ಭರ್ಜರಿ ಓಪನಿಂಗ್ ಪಡೆದುಕೊಂಡಿದೆ. ರಾಜ್ಯಾದ್ಯಂತ ಇಂದು ಬೆಳಗ್ಗೆ 6 ಗಂಟೆಯಿಂದಾನೇ ಸಿನಿಮಾ ಪ್ರದರ್ಶನ ಕಾಣುತ್ತಿದೆ. ಸುಮಾರು 200 ಥಿಯೇಟರ್ ಗಳಲ್ಲಿ ತೆರೆಕಂಡಿದೆ. ಗಂಧದ ಗುಡಿಯಲ್ಲಿ ನೆಚ್ಚಿನ ಅಪ್ಪು ನೋಡಿ ಅಭಿಮಾನಿಗಳು ಖುಷಿಯಿಂದ ಶಿಳ್ಳೆ ಹೊಡೆದಿದ್ದಾರೆ.

ಆಲ್ ಮೋಸ್ಟ್ ಎಲ್ಲಾ ಥಿಯೇಟರ್, ಮಲ್ಟಿಪ್ಲೆಕ್ಸ್ ಗಳಲ್ಲಿ ಸೀಟ್ ಫಿಲ್ ಆಗಿದೆ. ಅಡ್ವಾನ್ಸ್ ಬುಕ್ಕಿಂಗ್ ಇದ್ದ ಕಾರಣ ಈಗಾಗಲೇ ಎಲ್ಲಾ ಟಿಕೆಟ್ ಬುಕ್ಕಿಂಗ್ ಮಾಡಲಾಗಿದೆ. ಇನ್ನು ನಿನ್ನೆ ಸಂಜೆ ಪ್ರಿಮಿಯರ್ ಶೋ ಹಾಗೂ ಪೇಯ್ಡ್ ಪ್ರಿಮಿಯರ್ ಶೋ ಕೂಡ ಆಯೋಜನೆ ಮಾಡಲಾಗಿತ್ತು. ಸ್ಟಾರ್ ಗಳ ಜೊತೆಗೆ ಅಭಿಮಾನಿಗಳು ಕೂಡ ಮೊದಲೇ ಬುಕ್ ಮಾಡಿಕೊಂಡು ಸಿನಿಮಾ ನೋಡಿದ್ದಾರೆ.

ಅಪ್ಪು ಕನಸಿನ ಗಂಧದ ಗುಡಿ ಇಂದು ವಿದೇಶದಲ್ಲೂ ರಿಲೀಸ್ ಆಗಿದೆ. ಯುಎಇ, ಸಿಂಗಾಪುರ್ ಸೇರಿದಂತೆ ಹಲವು ಕಡೆ ಸಿನಿಮಾ ರಿಲೀಸ್ ಆಗಿದೆ. ಅಪ್ಪು ಫ್ಯಾನ್ಸ್ ಕರ್ನಾಟಕದಲ್ಲಿ ಮಾತ್ರವಲ್ಲ ವಿದೇಶದಲ್ಲೂ ಇದ್ದು, ಅಲ್ಲಿಯೂ ಡಿಮ್ಯಾಂಡ್ ಕ್ರಿಯೇಟ್ ಆಗಿದೆ. ಗಂಧದ ಗುಡಿ ನೋಡಿ, ಅಪ್ಪು ನಗುವನ್ನು ಕಂಡು, ವಿಧಿಯನ್ನು ಶಪಿಸುತ್ತಾ ಬಂದವರೇ ಹೆಚ್ಚು.