ನಟಿ ರಮ್ಯಾ ಸೇರಿದಂತೆ ಹಲವರ ಆಕ್ರೋಶ: ಕಡೆಗೂ ಅರೆಸ್ಟ್ ಆದ ನಾಯಿ ಕೊಂದ ಮಾಜಿ ಸಂಸದರ ಮೊಮ್ಮಗ..!

ಬೆಂಗಳೂರು: ಬೀದಿ ನಾಯಿಯನ್ನ ಬೇಕಂತೆ ಕಾರು ಹತ್ತಿಸಿ ಕೊಂದವ ಅರೆಸ್ಟ್ ಆಗಿದ್ದಾನೆ. ಉದ್ಯಮಿ, ಮಾಜಿ ಸಂಸದ ಆದಿಕೇಶವುಲು ಮೊಮ್ಮಗ ಆದಿಯನ್ನ ಪೊಲೀಸರು ಬಂಧಿಸಿದ್ದಾರೆ.

ಬೀದಿಯಲ್ಲಿ ಮಲಗಿದ್ದ ನಾಯಿಗಳ ಮೇಲೆ ಕಾರು ಹತ್ತಿಸಲಾಗಿತ್ತು. ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲೆಲ್ಲಾ ವೈರಲ್ ಆಗಿತ್ತು. ಇದಕ್ಕೆ ನಟಿ ರಮ್ಯಾ, ನಟಿ ಐಂದ್ರಿತಾ ರೇ ಕೂಡ ಆಕ್ರೋಶ ವ್ಯಕ್ತಪಡಿಸಿದ್ದರು. ಇದು ಉದ್ದೇಶಪೂರ್ವಕವಾಗಿಯೇ ಮಾಡಿದಂತೆ ಕಾಣುತ್ತದೆ. ಕಾನೂನಿನಲ್ಲಿ ತಪ್ಪಿತಸ್ಥನಿಗೆ ಶಿಕ್ಷೆ ಆಗುತ್ತಾ, ಇಲ್ಲ ಒತ್ತಡಕ್ಕೆ ಮಣಿಯುತ್ತಾರಾ ಎಂದು ನಟಿ ರಮ್ಯಾ ಟ್ವೀಟ್ ಮೂಲಕ ಪ್ರಶ್ನಿಸಿದ್ದರು.

ಈ ಬೆನ್ನಲ್ಲೇ ಸಿದ್ಧಾಪುರ ಪೊಲೀಸರು ಆರೋಪಿ ಆದಿಯನ್ನ ಅರೆಸ್ಟ್ ಮಾಡಿದ್ದಾರೆ. ಈ ಹಿಂದೆ ನೋಟೀಸ್ ನೀಡಿ ಅರೆಸ್ಟ್ ಮಾಡಲು ಹೋದಾಗ ಕೊರೊನಾ ಬಂದಿದೆ ಅಂತ ಡ್ರಾಮಾ ಆಡಿದ್ದ, ಆದಿಯನ್ನ ಪೊಲೀಸರು ಈಗ ಬಂಧಿಸಿದ್ದಾರೆ.