ರಾಜ್ಯದ ಎಪಿಎಂಸಿ ಮಾರುಕಟ್ಟೆಗಳಲ್ಲಿ ಜೋಳದ ದರದಲ್ಲಿ ಏರಿಳಿತ ಮುಂದುವರಿದಿದ್ದು, ಉತ್ತಮ ಇಳುವರಿ ಪಡೆದ ರೈತರಿಗೆ ನಿರೀಕ್ಷಿತ ಬೆಲೆ ಸಿಗದಿರುವುದು ಅಸಮಾಧಾನಕ್ಕೆ ಕಾರಣವಾಗಿದೆ. ಉತ್ತರ ಕರ್ನಾಟಕ ಭಾಗದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಬೆಳೆಯುವ ಜೋಳ ಬೆಳೆ ಈ ಬಾರಿ ಉತ್ತಮ ಹಿಂಗಾರು ಮಳೆ ಹಾಗೂ ಚಳಿಗಾಲದ ತೇವಾಂಶದಿಂದ ಉತ್ತಮವಾಗಿ ಬೆಳೆಯಲಾಗಿದೆ.
ಹುಬ್ಬಳ್ಳಿ-ಧಾರವಾಡ, ಗದಗ, ರಾಯಚೂರು, ದಾವಣಗೆರೆ, ಕಲಬುರಗಿ, ಬೀದರ್, ಕೊಪ್ಪಳ ಹಾಗೂ ಬೆಳಗಾವಿ ಸೇರಿದಂತೆ ಹಲವು ಜಿಲ್ಲೆಗಳಲ್ಲಿ ಜೋಳ ಉತ್ಪಾದನೆ ಹೆಚ್ಚಾಗಿದೆ.ಪ್ರಸ್ತುತ ಮಾರುಕಟ್ಟೆಗಳಲ್ಲಿ ಜೋಳದ ಬೆಲೆ ಪ್ರತಿ ಕ್ವಿಂಟಾಲ್ಗೆ ಕನಿಷ್ಠ ₹1205 ರಿಂದ ಗರಿಷ್ಠ ₹4500 ವರೆಗೆ ಮಾರಾಟವಾಗುತ್ತಿದೆ. ಪ್ರತಿ ಮಾರುಕಟ್ಟೆಯಲ್ಲಿ ದರ ವಿಭಿನ್ನವಾಗಿದ್ದು, ರೈತರು ಉತ್ತಮ ಬೆಲೆಗಾಗಿ ಕಾಯುತ್ತಿದ್ದಾರೆ.
ಕಳೆದ ವರ್ಷ 2025ರಲ್ಲಿ ಜೋಳದ ಬೆಲೆ ₹2200ರಿಂದ ₹5500ವರೆಗೆ ಇದ್ದರೆ, ಏಪ್ರಿಲ್ ತಿಂಗಳಲ್ಲಿ ₹2100ರಿಂದ ₹3100ವರೆಗೆ ಇತ್ತು. ಈ ವರ್ಷ ಇಳುವರಿ ಉತ್ತಮವಾಗಿದ್ದರೂ, ಬೆಲೆ ಅಷ್ಟಾಗಿ ಏರಿಕೆಯಾಗಿಲ್ಲ ಎಂಬುದು ರೈತರ ಅಸಮಾಧಾನಕ್ಕೆ ಕಾರಣವಾಗಿದೆ.ಹೆಚ್ಚಿನ ಬೆಲೆ ನಿರೀಕ್ಷೆಯಲ್ಲಿ ಕೆಲ ರೈತರು ಜೋಳವನ್ನು ದಾಸ್ತಾನು ಮಾಡಿಟ್ಟುಕೊಂಡಿದ್ದು, ಇನ್ನೂ ಕೆಲವರು ಮಾರುಕಟ್ಟೆಗಳಲ್ಲಿ ಬಿಡಿ ಮಾರಾಟದ ಮೂಲಕ ಲಾಭ ಪಡೆಯಲು ಪ್ರಯತ್ನಿಸುತ್ತಿದ್ದಾರೆ.
ರಾಜ್ಯದ ವಿವಿಧ ಮಾರುಕಟ್ಟೆಗಳಲ್ಲಿ ಜೋಳದ ದರ:
ಅಮರಗೋಳ (ಹುಬ್ಬಳ್ಳಿ): ₹1205 – ₹4141
ತಾಳಿಕೋಟೆ (ವಿಜಯಪುರ): ₹2629 – ₹2659
ಬಸವಕಲ್ಯಾಣ (ಬೀದರ್): ₹2300 – ₹4500
ಗದಗ: ₹1312 – ₹5165
ರಾಯಚೂರು: ₹1900 – ₹2800
ಬೆಳಗಾವಿ: ₹2900 – ₹3100
ರಾಣೆಬೆನ್ನೂರು (ಹಾವೇರಿ): ₹2850
ಕಲಬುರಗಿ: ₹3000 – ₹4500
ಒಟ್ಟಾರೆಯಾಗಿ, ಉತ್ತಮ ಉತ್ಪಾದನೆ ಇದ್ದರೂ ಸಮರ್ಪಕ ಬೆಲೆ ಸಿಗದಿರುವುದು ರೈತರ ಸಂಕಷ್ಟವನ್ನು ಮುಂದುವರಿಸುತ್ತಿದೆ.
