ಬಹುನಿರೀಕ್ಷಿತ ಸಲಾರ್ ಸಿನಿಮಾದ ಟೀಸರ್ ರಿಲೀಸ್ ಆಗಿದೆ. ಬೆಳಗಿನ ಜಾವದಲ್ಲಿಯೇ ಟೀಸರ್ ರಿಲೀಸ್ ಮಾಡಲಾಗಿದೆ. ಇವತ್ತು ಪ್ರಶಾಂತ್ ನೀಲ್ ಫ್ಯಾನ್ಸ್, ಪ್ರಭಾಸ್ ಫ್ಯಾನ್ಸ್ ಬೆಳ್್ಗೆ ಎದ್ದ ಕೂಡಲೇ ಮೊಬೈಲ್ ಹಿಡಿದು ಕೂತಿದಿದ್ದಾರೆ. ಸಲಾರ್ ಟೀಸರ್ ನೋಡಿದ್ದಾರೆ.
ಟೀಸರ್ ರಿಲೀಸ್ ಆದ ಬಳಿಕ ಯೂಟ್ಯೂಬ್ ನಲ್ಲಿ ಗಂಟೆ ಗಂಟೆಗೂ ವೀವ್ಸ್ ಹೆಚ್ಚಾಗುತ್ತಿದೆ. ನೋಡುಗರ ಖುಷಿ ಜೋರಾಗಿದೆ. ಮಿಲಿಯನ್ ಗಟ್ಟಲೇ ವೀವ್ಸ್ ಬಂದಿದೆ. ಡಾರ್ಲಿಂಗ್ ಪ್ರಭಾಸ್ ಮಾಸ್ ಲುಕ್ಕಿಗೆ ಕುಂತಲ್ಲಿಯೇ ಶಿಳ್ಳೆ ಚಪ್ಪಾಳೆಗಳು ಸುರಿದಿದೆ. ಟೀಸರ್ ಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ.
ಟೀಸರ್ ಕತ್ತಲಲ್ಲಿಯೇ ಕಾಣಿಸುತ್ತದೆ. ಮೊದಲಿಗೆ ಎಲ್ಲರೂ ಕಿರುಚುತ್ತಾರೆ. ವೃದ್ಧನೊಬ್ಬ ಇಂಟ್ರೂಡಕ್ಷನ್ ಕೊಡ್ತಾ ಇದ್ರೆ ಎದೆಗೆ ಗನ್ ಹಿಡಿದವ ಎದೆ ಗಢ ಗಢ ಅಂತ ನಡುಗಿ ಗನ್ ಕೆಳಗೆ ಬೀಳುತ್ತೆ. ಅಲ್ಲಿಗೆ ಹೀರೋ ಎಂಟ್ರಿಯಾಗುತ್ತೆ. ರಕ್ತ ಅಂಟಿದ ಮುಷ್ಠಿ ತೋರಿಸುತ್ತಾ ಪ್ರಭಾಸ್ ಲುಕ್ ರಿವೀಲ್ ಮಾಡಲಾಗಿದೆ. 1 ನಿಮಿಷ 46 ಸೆಕೆಂಡ್ ಇರುವ ಈ ಟೀಸರ್ ಗೆ ಮಂದಿ ಉಘೇ ಉಘೆ ಎಂದಿದ್ದಾರೆ. ಬಿಜಿಎಂ ಗಂತು ಫಿದಾ ಆಗಿದ್ದಾರೆ.
ಸೋಷಿಯಲ್ ಮೀಡಿಯಾದಲ್ಲಂತೂ #SalaarTeaser #PrashanthNeel #Prabhas ಹೆಸರುಗಳು ಟ್ರೆಂಡಿಂಗ್ನಲ್ಲಿವೆ. ಬಹುನಿರೀಕ್ಷಿತ ಪ್ಯಾನ್ ಇಂಡಿಯಾ ಸಿನಿಮಾವಾದ ಈ ಚಿತ್ರವನ್ನು ಕೆಜಿಎಫ್ ಖ್ಯಾತಿಯ ಪ್ರಶಾಂತ್ ನೀಲ್ ಡೈರೆಕ್ಟ್ ಮಾಡಿದ್ದಾರೆ. ಪ್ರಡ್ಯೂಸರ್ ವಿಜಯ ಕಿರಗಂದೂರು ಸಲಾರ್ಗೆ ಬಂಡವಾಳ ಹೂಡಿದ್ದಾರೆ. ಕೆಜಿಎಫ್, ಕಾಂತಾರ ನಂತರ ಹೊಂಬಾಳೆ ಫಿಲಂಸ್ ಮತ್ತೊಂದು ಬಿಗ್ ಬಜೆಟ್ ಸಿನಿಮಾ ರಿಲೀಸ್ ಮಾಡಲು ಮುಂದಾಗಿದೆ. ಸೆಪ್ಟೆಂಬರ್ 28 ರಂದು ಪ್ರಭಾಸ್ ಅಭಿನಯದ ಸಲಾರ್ ಬೆಳ್ಳಿ ತೆರೆಗೆ ಅಪ್ಪಳಿಸಲಿದೆ.
Newbie Techy