ಯಶ್ 19 ಸಿನಿಮಾಗಾಗಿ ಅಭಿಮಾನಿಗಳ ಕಾತರ : ರಾಧಿಕಾ ಹಿಂದೆ ಬಿದ್ದ ಫ್ಯಾನ್ಸ್..!

ಕೆಜಿಎಫ್ ಸಿನಿಮಾ ಸರಣಿ ಆದ ಮೇಲೆ ಮತ್ತೆ ಸಿನಿಮಾದ‌ ಮಾಹಿತಿ ಬರಲೇ ಇಲ್ಲ. ಆಗಾಗ ಮುಂಬೈ, ಹೈದ್ರಾಬಾದ್ ಅಂತ ಓಡಾಡ್ತಾ ಇದ್ದಾರೆ. ಆ ವಿಡಿಯೋ ವೈರಲ್ ಆದಗೆಲ್ಲಾ ಯಶ್ ಮುಂದಿನ ಸಿನಿಮಾ ಯಾವಾಗ ಎಂದೇ‌ ಪ್ರಶ್ನೆಗಳೇ‌ ಎದುರಾಗುತ್ತಿದೆ. ಯಶ್ ಅವರ ಹುಟ್ಟುಹಬ್ಬದ ದಿನದಂದು ಏನಾದರೂ ಸಿಹಿ ಸುದ್ದಿ ಕೊಡುತ್ತಾರೆ ಎಂದು ಕಾಯುತ್ತಿದ್ದರು ಅಭಿಮಾನಿಗಳು. ಆದರೆ ಅಲ್ಲಿಯೂ ಉತ್ತರ ಸಿಗಲಿಲ್ಲ.

ನೋಡಿ ನೋಡಿ ಸುಸ್ತಾದ ಫ್ಯಾನ್ಸ್ ಹೇಗಾದರೂ ಮಾಡಿ ಯಶ್ 19 ಅಪ್ಡೇಟ್ ತಿಳಿಯಲೇಬೇಕೆಂದು ಹಠ ಮಾಡಿದ್ದಾರೆ. ಅದಕ್ಕಾಗಿಯೇ ಸೋಷಿಯಲ್ ಮೀಡಿಯಾದಲ್ಲೆಲ್ಲಾ ಅಬ್ಬರ ಶುರು ಮಾಡಿಕೊಂಡಿದ್ದಾರೆ. ರಾಧಿಕಾಗೂ ಟಾರ್ಚರ್ ಕೊಡಲು ಶುರು ಮಾಡಿದ್ದಾರೆ. ರಾಧಿಕಾ ಹೊಸ ಫೋಟೋ ಹಾಕುವಂಗಿಲ್ಲ, ಅಲ್ಲಿಯೂ ಹೋಗಿ ಮೊದಲು ಯಶ್ ಸಿನಿಮಾ ಬಗ್ಗೆ ಅಪ್ಡೇಟ್ ಕೊಡಿ ಅಂತಿದ್ದಾರೆ.

ಇತ್ತಿಚೆಗೆ ನಟಿ ರಾಧಿಕಾ ಪಂಡಿತ್ ಅವರ ಹುಟ್ಟುಹಬ್ಬ ಮುಗಿದಿದೆ. ವಿದೇಶಕ್ಕೆ ಹೋಗಿ ಆ ದಿನವನ್ನು ಸೆಲೆಬ್ರೇಟ್ ಮಾಡಿದ್ದಾರೆ. ಅಲ್ಲಿನ ಒಂದಷ್ಟು ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಆ ಫೋಟೋಗಳಿಗೆ “ಅತ್ತಿಗೆ ಅಣ್ಣನ 19 ಸಿನಿಮಾದ ಬಗ್ಗೆ ದಯವಿಟ್ಟು ಉತ್ತರ ನೀಡಿ” ಎಂದು ದುಂಬಾಲು ಬಿದ್ದಿದ್ದಾರೆ.