ಅಕ್ಟೋಬರ್ 15 ರಿಂದ 25 ರವರೆಗೆ ಚಿತ್ರದುರ್ಗದಲ್ಲಿ ದುರ್ಗಾದೇವಿ ದುರ್ಗೋತ್ಸವ

ವರದಿ ಮತ್ತು ಫೋಟೋ ಕೃಪೆ ಕೆ.ಎಂ.ಮುತ್ತುಸ್ವಾಮಿ ಕಣ್ಣನ್,  ಮೊ : 78998 64552

ಸುದ್ದಿಒನ್, ಚಿತ್ರದುರ್ಗ,ಅಕ್ಟೋಬರ್.13 : ದಸರಾ ನವರಾತ್ರಿ ಮೂರನೆ ವರ್ಷದ ಅಂಗವಾಗಿ ಹಿಂದೂ ಘರ್ಜನೆ ಸೇನಾ ಸಂಸ್ಥಾನ ವತಿಯಿಂದ ದುರ್ಗಾದೇವಿ ದುರ್ಗೋತ್ಸವ ಅ.15 ರಿಂದ 25 ರವರೆಗೆ ಆನೆಬಾಗಿಲು ಸಮೀಪ ಗಣಪತಿ ದೇವಸ್ಥಾನದ ಹತ್ತಿರವಿರುವ ಸುವೃಷ್ಠಿ ಪ್ರಾಣ ದೇವರ ಆವರಣದಲ್ಲಿ ನಡೆಯಲಿದೆ ಎಂದು ಹಿಂದೂ ಘರ್ಜನಾ ಸೇನಾ ಸಂಸ್ಥಾನದ ಅಧ್ಯಕ್ಷ ಸಾಗರ್ ತಿಳಿಸಿದರು.

ಪತ್ರಕರ್ತರ ಭವನದಲ್ಲಿ ಶುಕ್ರವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು 22 ರಂದು ಮೈಸೂರಿನ ದಯಾನಂದಶರ್ಮ ಇವರಿಂದ ಗಣ ಹೋಮ, ನರಸಿಂಹ ಹೋಮ, ಧನ್ವಂತರಿ ಹೋಮ, ಲಲಿತ ಹೋಮ, ನವದುರ್ಗ ಹೋಮ ಶ್ರದ್ದಾಭಕ್ತಿಯಿಂದ ನಡೆಯಲಿದೆ.

ಅಕ್ಟೋಬರ್ 25 ರಂದು ಮಧ್ಯಾಹ್ನ 3 ಗಂಟೆಗೆ ಆರಂಭಗೊಳ್ಳಲಿರುವ ಶೋಭಾಯಾತ್ರೆ ನಗರದ ಪ್ರಮುಖ ಬೀದಿಗಳಲ್ಲಿ ಸಂಚರಿಸಲಿದೆ. ನಗರದ ದೇವತೆಗಳು ಆಗಮಿಸಲಿದ್ದು, ನಂತರ ಚಂದ್ರವಳ್ಳಿಯಲ್ಲಿ ದುರ್ಗಾದೇವಿಯ ವಿಸರ್ಜನೆಯಾಗಲಿದೆ. ಭಕ್ತಾಧಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಳ್ಳುವಂತೆ ಸಾಗರ್ ವಿನಂತಿಸಿದರು.

ಹಿಂದೂ ಘರ್ಜನೆ ಸೇನಾ ಸಂಸ್ಥಾನದ ಉಪಾಧ್ಯಕ್ಷ ಸ್ವಾಮಿ, ಕಾರ್ಯದರ್ಶಿ ಮಂಜಣ್ಣ, ಮಧುಸೂದನ್, ದೇವರಾಜ್, ಆನಂದ, ಅರುಣ್ ಪತ್ರಿಕಾಗೋಷ್ಠಿಯಲ್ಲಿ ಉಪಸ್ಥಿತರಿದ್ದರು.