ಹಿರಿಯೂರು: ಪ್ರತಿಭೆಯನ್ನು ಗುರುತಿಸಿಕೊಳ್ಳಲು ಗ್ರಾಮೀಣ ಭಾಗಗಳಲ್ಲಿ ಹೆಚ್ಚು ಹೆಚ್ಚು ನಾಟಕಗಳನ್ನು ಏರ್ಪಡಿಸಬೇಕು ಎಂದು ಸಮಾಜ ಸೇವಕ ಜಿ. ಜಯರಾಮಯ್ಯ ಅಭಿಪ್ರಾಯಪಟ್ಟರು.
ತಾಲ್ಲೂಕಿನ ಅಂಬಲಗೆರೆ, ಉಪ್ಪಾರಟ್ಟಿಯಲ್ಲಿ ಶ್ರೀ ದೊಡ್ಡಮ್ಮ ದೇವಿ ಜಾತ್ರೆ ಅಂಗವಾಗಿ ಏರ್ಪಡಿಸಿದ್ದ “ಒಲವಿನ ಪ್ರೇಮ ಮಂದಿರ” ಎಂಬ ಸಮಾಜಿಕ ನಾಟಕಕ್ಕೆ ಚಾಲನೆ ನೀಡಿ ಮಾತನಾಡಿದರು.
ಇಂದಿನ ದಿನಮಾನಗಳಲ್ಲಿ ನಾಟಕಗಳು ಗ್ರಾಮೀಣ ಭಾಗದಲ್ಲಿ ನಶಿಸಿ ಹೋಗುತ್ತಿವೆ. ಅದಾಗಬಾರದು. ನಾಟಕಗಳು ಮನುಷ್ಯನ ಜೀವನ ಬದಲಿಸುತ್ತದೆ. ಒಂದು ಕಾಲದಲ್ಲಿ ನಾಟಕ, ನೃತ್ಯ, ಜನಪದ ಇನ್ನೂ ಅನೇಕ ನಾಟಕ ರೂಪದಲ್ಲಿ ಕಲೆಗಳಿವೆ ಅವು ಜೀವನದಲ್ಲಿ ಬದಲಾವಣೆ ತರುತ್ತವೆ ಎಂದು ತಿಳಿಸಿದರು.
ಈ ಸಂದರ್ಭದಲ್ಲಿ ತಾಲ್ಲೂಕು ಪಂಚಾಯಿತಿ ಮಾಜಿ ಸದಸ್ಯ ಕೆ. ಶಂಕರಮೂರ್ತಿ, ನಗರಸಭೆ ಸದಸ್ಯ ಚಿತ್ರಜಿತ್ ಯಾದವ್, ಮಂಜುನಾಥ್, ಪಟಾಕಿ ನಾಗರಾಜ್, ರಂಗಜ್ಜ, ತಿಪ್ಪೇಸ್ವಾಮಿ, ಶಿವಮೂರ್ತಿ ಸೇರಿದಂತೆ ಸುತ್ತಲಿನ ಗ್ರಾಮಸ್ಥರು ಭಾಗವಹಿಸಿದ್ದರು.
