ಟೀಂ ಇಂಡಿಯಾಗೆ ಮುಂದಿನ ನಾಯಕ ಯಾರು ಎಂಬ ಪ್ರಶ್ನೆ ಸಹಸ್ರಾರು ಮಂದಿಯದ್ದು. ಹಾಗೇ ಇವರೇ ಆದ್ರೆ ಅದ್ಬುತವಾಗಿ ತಂಡವನ್ನ ನಡೆಸಿಕೊಂಡು ಹೋಗ್ತಾರೆ ಅನ್ನೋದು ಕ್ರಿಕೆಟ್ ಅಭಿಮಾನಿಗಳ ಅಭಿಪ್ರಾಯ. ಇದೀಗ ಟೀಂ ಇಂಡಿಯಾ ನಾಯಕರಾಗಿದ್ದ ಕೊಹ್ಲಿ ಆ ಮುಂದಿನ ನಾಯಕ ಯಾರು ಎಂಬ ಸುಳಿವು ಬಿಟ್ಟು ಕೊಟ್ಟಿದ್ದಾರೆ.
ರೋಹಿತ್ ಶರ್ಮಾ ಮೇಲೆ ಕ್ರಿಕೆಟ್ ಪ್ರೇಮಿಗಳಿಗೆ ಅತಿಯಾದ ನಂಬಿಕೆ. ಇವರ ಸಾರಥ್ಯದಲ್ಲಿ ನಾವೂ ಪಂದ್ಯಗಳನ್ನ ಗೆಲ್ಲಲೇಬಹುದು ಎಂಬ ಅಪಾರ ನಂಬಿಕೆ. ಹೀಗಾಗಿನೇ ಈ ಮುಂಚೆಯೇ ನಮ್ಮ ಟೀಂ ಇಂಡಿಯಾ ನಾಯಕ ರೋಹಿತ್ ಶರ್ಮಾನೆ ಅಂತ ಅಭಿಮಾನಿಗಳು ಸೋಷಿಯಲ್ ಮೀಡಿಯಾದಲ್ಲೆಲ್ಲಾ ಹಬ್ಬ ಮಾಡಿದ್ರು. ಇದೀಗ ಕೊಹ್ಲಿ ಕೂಡ ಅದೇ ಸುಳಿವನ್ನ ನೀಡಿದ್ದಾರೆ.
ವಿರಾಟ್ ಕೊಹ್ಲಿ ಟಿ20 ಕ್ರಿಕೆಟ್ ನಾಯಕನಾಗಿ ನಿನ್ನೆಯೇ ಕೊನೆ ಪಂದ್ಯವನ್ನಾಡಿದ್ದು, ಮುಂದಿನ ನಾಯಕ ಯಾರು ಚರ್ಚೆ ನಡೀತಿದೆ. ಇದರ ನಡುವೆ ವಿರಾಟ್ ನೀಡಿದ ಹೇಳಿಕೆ, ರೋಹಿತ್ ಶರ್ಮಾನೇ ಮುಂದಿನ ನಾಯಕ ಅನ್ನೋದನ್ನ ಸೂಚಿಸಿದೆ. ಇದಕ್ಕೂ ಮೊದಲು ರೋಹಿತ್ ಶರ್ಮಾ ವೈಟ್ಬಾಲ್ ಕ್ರಿಕೆಟ್ನ ನಾಯಕರಾಗಲಿದ್ದಾರೆ ಎಂದು ಬಿಸಿಸಿಐ ಮೂಲಗಳಿಂದ ಮಾಹಿತಿ ಬಂದಿತ್ತು.
