ಪ್ರಕೃತಿ ಅದ್ಭುತಗಳಲ್ಲಿ ಒಂದು ವಿಶ್ವದ ಅತಿದೊಡ್ಡ ಗೋಡಂಬಿ ಮರ ಎಲ್ಲಿದೆ ಗೊತ್ತೆ? ಇದನ್ನು ನೋಡಿದ ಕೂಡಲೇ ಇದು ಮರನೋ ಅಥವಾ ಕಾಡೋ ಎಂಬ ಪ್ರಶ್ನೆ ಉಂಟಾಗುತ್ತದೆ. ವಿಶಾಲವಾಗಿ ಹರಡಿಕೊಂಡಿದೆ ಈ ಒಂದೇ ಒಂದು ಮರ.
ವಿಶ್ವದ ಅತಿದೊಡ್ಡ ಗೋಡಂಬಿ ಮರವಾದ ಅನಾಕಾರ್ಡಿಯಂ ಆಕ್ಸಿಡೆಂಟೇಲ್, ಸುಮಾರು 8,500 ಚದರ ಮೀಟರ್ಗಳಷ್ಟು ವಿಸ್ತೀರ್ಣದಲ್ಲಿ ಹರಡಿಕೊಂಡಿದೆ ಮತ್ತು ಈ ದೈತ್ಯ ಮರ ವರ್ಷಕ್ಕೆ ಸುಮಾರು 80,000 ಹಣ್ಣುಗಳನ್ನು ನೀಡುತ್ತದೆ. ಸ್ಥಳೀಯವಾಗಿ “ಮೈಯರ್ ಕ್ಯಾಜುಯೆರೊ ಡೊ ಮುಂಡೋ” ಎಂದು ಕರೆಯಲ್ಪಡುವ ಈ ಮರವು ಬ್ರೆಜಿಲ್ನ ರಿಯೊ ಗ್ರಾಂಡೆ ಡೊ ನಾರ್ಟೆ ರಾಜ್ಯದ ಪರ್ನಮಿರಿಮ್ನ ಕಡಲತೀರದ ಬಳಿ ಇದೆ.
ಇದು 100 ವರ್ಷಕ್ಕಿಂತ ಹೆಚ್ಚು ಹಳೆಯ ಮರ ಎಂದು ನಂಬಲಾಗಿದೆ. ಸ್ಥಳೀಯ ಕಥೆಗಳ ಪ್ರಕಾರ, 1888ರಲ್ಲಿ ಒಬ್ಬ ಮೀನುಗಾರ ಈ ಮರವನ್ನು ನೆಟ್ಟಿದ್ದಾನೆ ಎನ್ನಲಾಗುತ್ತದೆ. ಕಾಲಕ್ರಮೇಣ ಇದು ಸಾಮಾನ್ಯ ಮರಗಳಂತೆ ನೇರವಾಗಿ ಬೆಳೆಯದೇ, ಅಸಾಧಾರಣ ರೀತಿಯಲ್ಲಿ ಎಲ್ಲ ದಿಕ್ಕುಗಳಿಗೂ ಹರಡತೊಡಗಿತು.
