ರೇಣುಕಾಚಾರ್ಯ ಮುತ್ತುರಾಜ..ಮುತ್ತುರಾಜನ ಬಗ್ಗೆ ಮಾತಾಡಲ್ಲ : ಡಿಕೆ ಶಿವಕುಮಾರ್

ಬೆಂಗಳೂರು: ರೇಣುಕಾಚಾರ್ಯ ಮುತ್ತುರಾಜ.. ಆತನ ಬಗ್ಗೆ ನಾನು ಮಾತನಾಡಲ್ಲ ಎಂದು ಕೆಪಿಸಿಸಿ ಅಧ್ಯಕ್ಷ ಡಿ ಕೆ ಶಿವಕುಮಾರ್ ಹೇಳಿದ್ದಾರೆ.

ಮಹಿಳೆಯರು ಹಾಕುವ ಬಟ್ಟೆಯಿಂದ ಕೆಲವರು ಉದ್ರೇಕಗೊಳ್ಳುತ್ತಾರೆ ಎಂದು ಶಾಸಕ ರೇಣುಕಾಚಾರ್ಯ ಹೇಳಿದ್ರು. ಆ ವಿಚಾರವಾಗಿ ಸದಾಶಿವನಗರದಲ್ಲಿ ಮಾತನಾಡಿದ ಡಿಕೆಶಿ, ಮುತ್ತುರಾಜ ಅಂದ್ರೆ ನಮ್ಮ ಮನೆ ಪಕ್ಕದ ರಾಜ್ ಕುಮಾರ್ ಅಲ್ಲ. ಬಿಜೆಪಿಯ ರಾಜ್ ಕುಮಾರ್ ಮುತ್ತುರಾಜ ಎಂದಿದ್ದಾರೆ.

ಹಿಜಾಬ್ ವಿವಾದಕ್ಕೆ ಸಂಬಂಧಿಸಿದಂತೆ ಪ್ರಿಯಾಂಕ ಗಾಂಧಿ ಅವರು ಟ್ವೀಟ್ ಮಾಡಿದ್ದರು. ಆ ಟ್ವೀಟ್ ಸಂಬಂಧ ಪ್ರತಿಕ್ರಿಯೆ ನೀಡಿದ್ದ ರೇಣುಕಾಚಾರ್ಯ, ಮಹಿಳೆಯರು ಬಿಕನಿ ಹಾಕುವುದು ಅವರ ಮೂಲಭೂತ ಹಕ್ಕು ಎಂದು ಪ್ರಿಯಾಂಕ ಗಾಂಧಿ ಹೇಳಿದ್ದಾರೆ‌‌. ಆ ಕೀಳುಮಟ್ಟದ ಹೇಳಿಕೆ ನೀಡಿದ್ದಕ್ಕೆ ಪ್ರಿಯಾಂಕ ಗಾಂಧಿ ದೇಶದ ಜನರ ಕ್ಷಮೆ ಕೇಳಬೇಕು. ಮಹಿಳೆಯರು ಹಾಕೋ ಬಟ್ಟೆಯಿಂದ ಕೆಲವರು ಉದ್ರೇಕಗೊಳ್ಳುತ್ತಾರೆ ಎಂದು ಶಾಸಕ ರೇಣುಕಾ ಚಾರ್ಯ ಹೇಳಿಕೆ ನೀಡಿದ್ದರು.