ಹಣತೆ : ಕೆ.ನಿರ್ಮಲಾ ಮರಡಿಹಳ್ಳಿ ಅವರ ದೀಪಾವಳಿ ಕವನ

ತಣ್ಣಗೆ ಕುಳಿತ ಹಣತೆ
ಮತ್ತೇನನ್ನೂ ಯೋಚಿಸಲಿಲ್ಲ
ನಿಲ್ಲುವಷ್ಟು ಬೆಳಕ
ಹರಿಸುವುದ ಬಿಟ್ಟು

ಸಣ್ಣ ಮುಗುಳ್ನಗೆಯಲ್ಲೇ
ಭೀಕರ ಕತ್ತಲೆಯ
ಮೀರಿ ಚಾಚಿತು
ಮೆದುವಾದ ಬೆಳಕ ಕುಡಿಯು

ಅತ್ತಿತ್ತ ಹೊರಳಾಡಿಸಿ ತನ್ನ
ಕಣ್ಣ ಬಯಸಿದವರಿಗೆ
ಹಿಡಿ ಸಂತಸವ ನೀಡಿ
ಮರೆಮಾಚಿತು ಸುಡುವ ಕರುಕ

ಕಾಣದ ಕೈಯೊಡನೆ
ಆರದೆಯೆ ಉರಿಯಿತು
ನೊಂದ ಭಾವಗಳಿಗೆ
ಭರವಸೆಯ ಜೊತೆಗೆ

ದೀಪದ ದೇಹದಲಿ
ಬೆರೆತೊಂದಾಗಿದೆ ಆತ್ಮ
ಸುಳಿದಾಡುತಿದೆ ಸಕಾರಾತ್ಮಕ ತೇಜ
ಉನ್ನತೋನ್ನತಿಗೇರಲಿ ಸಮಾಜ

ಬೆಳಕಿನ ಹಾರೈಕೆ
ಅನಂತತೆಯ ರೂಪ
ಬದುಕಿನೊಂದಿಗೆ ಸಾಗಲಿ
ಹೊಂಬೆಳಕ ನೋಟ

ಹಬ್ಬುತಲಿ ಹಣತೆಗಳ ಸಾಲು
ತಬ್ಬುತಲಿ ದಿವ್ಯ ಪ್ರಕಾಶನ
ಆತ್ಮ ಆತ್ಮಗಳಲಿ
ಬೆಳಕಾಗಲಿ ದೀಪಾವಳಿ

 ಕೆ.ನಿರ್ಮಲಾ ಮರಡಿಹಳ್ಳಿ, ಚಿತ್ರದುರ್ಗ
ಮೊ.ನಂ: 9901527137