ಲಕ್ನೋ: ಟಿ20 ವಿಶ್ವಕಪ್ ನಲ್ಲಿ ಇಂಡಿಯಾ ವರ್ಸಸ್ ಪಾಕ್ ಪಂದ್ಯದಲ್ಲಿ ಪಾಕಿಸ್ತಾನ ಗೆದ್ದು ಬೀಗಿತ್ತು. ಇದರ ಗೆಲುವನ್ನ ಮಹಿಳೆಯೊಬ್ಬಳು ಸಂಭ್ರಮಿಸಿದ್ದಳು. ಇದೀಗ ಆಕೆಯ ವಿರುದ್ಧ ಪತಿಯೇ ದೂರು ನೀಡಿರುವ ವಿಚಾರ ತಡವಾಗಿ ಬೆಳಕಿಗೆ ಬಂದಿದೆ.
ಇಶಾನ್ ಮಿಯಾ ಎಂಬುವವರು ದೂರು ಕೊಟ್ಟವರು. ಆತನ ಪತ್ನಿ ರಬಿಯಾ ಸಂಶಿ ಪಾಕ್ ಗೆದ್ದಾಗ ವಾಟ್ಸಾಪ್ ಸ್ಟೇಟಸ್ ಹಾಕಿ, ಪಟಾಕಿ ಸಿಡಿಸಿ ಸಂಭ್ರಮಿಸಿದ್ದರು. ಇದನ್ನ ಆಧಾರವಾಗಿಟ್ಟುಕೊಂಡು ಆಕೆಯ ಪತಿ ದೂರು ನೀಡಿದ್ದಾನೆ.
ಇನ್ನು ಉತ್ತರ ಪ್ರದೇಶದಲ್ಲಿ ಭಾರತ ತಂಡದ ವಿರುದ್ಧ ಪಾಕ್ ಗೆಲುವನ್ನು ಸಂಭ್ರಮಿಸುವವರ ವಿರುದ್ಧ ಪ್ರಕರಣ ದಾಖಲಿಸುವ ಕಾನೂನನ್ನು ಜಾರಿಗೊಳಿಸಲಾಗಿದೆ. ಹೀಗಾಗಿ ಅದರ ಆಧಾರದ ಮೇಲೆಯೇ ಸಂಶಿ ವಿರುದ್ಧ ದೂರು ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.
ಇನ್ನು ಸಂಶಿ ಹಾಗೂ ಇಶಾನ್ ಮದುವೆಯಾದ ಕೆಲವೇ ದಿನಗಳಲ್ಲಿ ದೂರವಾಗಿದ್ದರು ಎನ್ನಲಾಗಿದೆ. ಬೇರೆ ಬೇರೆ ವಾಸ ಮಾಡುತ್ತಿದ್ದು , ವಿಚ್ಛೇಧನಕ್ಕಾಗಿ ಕಾಯ್ತಿದ್ದಾರೆ ಎನ್ನಲಾಗಿದೆ.
