ಅಪ್ಪು ಕನಸಿನ ‘ಗಂಧದಗುಡಿ’ ಬಗ್ಗೆ ಸಿಎಂ ಮೆಚ್ಚುಗೆ

1 Min Read

 

ಬೆಂಗಳೂರು: ಅಪ್ಪು ನಮ್ಮೊಂದುಗೆ ಜೀವಂತವಾಗಿದ್ದರೆ ಗಂಧದಗುಡಿ ನಿಜಕ್ಕೂ ಅದ್ಭುತವಾಗಿಯೇ ಇರುತ್ತಿತ್ತು. ಆದ್ರೆ ಇಂದು ಆ ಕರ್ನಾಟಕ ರತ್ನ ಇಲ್ಲದ ಗಂಧದಗುಡಿ ಬಿಕೋ ಎನ್ನುತ್ತಿದೆ. ಈ ನೋವಿನಲ್ಲೇ ಅಶ್ವಿನಿ ಪುನೀತ್ ರಾಜ್ ಕುಮಾರ್ ಅಪ್ಪು ಅವರ ಕನಸಿನ ಗಂಧದ ಗುಡಿಯನ್ನ ಅನಾವರಣಗೊಳಿಸಿದ್ದಾರೆ. ಪಿಆರ್ಕೆ ಯೂಟ್ಯೂಬ್ ನಲ್ಲಿ ಗಂಧದ ಗುಡಿ ಡಾಕ್ಯುಮೆಂಟರಿಯ ಟೀಸರ್ ರಿಲೀಸ್ ಆಗಿದೆ.

ಗಂಧದಗುಡಿ ಅಪ್ಪು ಕನಸು. ಪ್ರಕೃತಿ ಸೌಂದರ್ಯ, ಜಗತ್ತಿನ ಅದ್ಭುತವೆನಿಸುವ ದೃಶ್ಯ, ಪ್ರಾಣಿ ಪಕ್ಷಿಗಳನ್ನ ಸೆರೆಹಿಡಿದು ಡಾಕ್ಯುಮೆಂಟರಿ ರೆಡಿ ಮಾಡಿದ್ದರು. ನವೆಂಬರದ್ 1 ಅವರದ್ದರೆ ಅಂದೇ ರಿಲೀಸ್ ಆಗ್ತಾ ಇತ್ತು. ಆದ್ರೆ ಆ ಡಾಕ್ಯುಮೆಂಟರಿ ಟೀಸರ್ ಇಂದು ರಿಲೀಸ್ ಆಗಿದೆ. ಇದನ್ನ ನೋಡಿ ಸಿಎಂ ಬಸವರಾಜ್ ಬೊಮ್ಮಾಯಿ‌ ಅವರು ಕೂಡ ಮೆಚ್ಚಿಕೊಂಡಿದ್ದಾರೆ.

ನಮ್ಮೆಲ್ಲರ ಪ್ರೀತಿಯ ಅಪ್ಪು ದಿ. ಪುನೀತ್ ರಾಜಕುಮಾರ್ ಅಭಿನಯದ ಪಿ.ಆರ್.ಕೆ ಪ್ರೊಡಕ್ಷನ್ ನಿರ್ಮಿಸಿರುವ ‘ಗಂಧದ ಗುಡಿ’ ಒಂದು ಅದ್ಭುತ ಕಲಾಕೃತಿ. ನಾಡಿನ ಪ್ರಾಕೃತಿಕ ಶ್ರೀಮಂತಿಕೆ, ಜೀವಸಂಕುಲ, ಬುಡಕಟ್ಟು ಜನರ ಸಂಸ್ಕೃತಿಗಳನ್ನು ಪರಿಚಯಿಸುವ ಮೂಲಕ, ವಿಶಿಷ್ಟ ರೀತಿಯಲ್ಲಿ ಕಥೆಯೊಂದನ್ನು ಹೇಳುತ್ತಿದೆ.

ಈ ಅದ್ಭುತ ದೃಶ್ಯಕಾವ್ಯದ ಸಂದೇಶ ಎಲ್ಲರಿಗೂ ತಲುಪಬೇಕು. ಪ್ರತಿ ಭಾರತೀಯ, ಅದರಲ್ಲೂ ವಿಶೇಷವಾಗಿ ಪ್ರತಿಯೊಬ್ಬ ಕನ್ನಡಿಗ ಕರುನಾಡಿನ ಈ ಕಥಾನಕವನ್ನು ನೋಡುವಂತಾಗಲಿ. ನಮ್ಮ ಅರಣ್ಯ, ನಮ್ಮ ಪರಿಸರ, ವೈವಿಧ್ಯಮಯ ಪ್ರಾಕೃತಿಕ ಸಂಪತ್ತನ್ನು ರಕ್ಷಿಸುವ ನಿಟ್ಟಿನಲ್ಲಿ ಈ ಚಿತ್ರ ಪ್ರೇರಣೆ ನೀಡಲಿ ಎಂದು ಹಾರೈಸುತ್ತೇನೆ ಎಂದು ಟ್ವೀಟ್ ಮಾಡಿದ್ದಾರೆ.

Share This Article
Leave a Comment

Leave a Reply

Your email address will not be published. Required fields are marked *