ಚಿತ್ರದುರ್ಗ ಟೌನ್ ಕೋ-ಆಪರೇಟಿವ್ ಸೊಸೈಟಿ ಚುನಾವಣೆ : ಎಂ.ನಿಶಾನಿ ಜಯಣ್ಣ ನಾಮಪತ್ರ ಸಲ್ಲಿಕೆ

ವರದಿ ಮತ್ತು ಫೋಟೋ ಕೃಪೆ
ಕೆ.ಎಂ. ಮುತ್ತುಸ್ವಾಮಿ ಕಣ್ಣನ್,
ಮೊ : 78998 64552

ಸುದ್ದಿಒನ್, ಚಿತ್ರದುರ್ಗ, ಜನವರಿ. 24 : ಚಿತ್ರದುರ್ಗ ಟೌನ್ ಕೋ-ಆಪರೇಟಿವ್ ಸೊಸೈಟಿ ಆಡಳಿತ ಮಂಡಳಿ ನಿರ್ದೇಶಕರುಗಳ ಸ್ಥಾನಕ್ಕೆ ಫೆ.2 ರಂದು ನಡೆಯುವ ಚುನಾವಣೆಗೆ ಎಂ.ನಿಶಾನಿ ಜಯಣ್ಣ ಮತ್ತವರ ಗುಂಪಿನಿಂದ ಟೌನ್ ಕೋ-ಆಪರೇಟಿವ್ ಸೊಸೈಟಿಯಲ್ಲಿ ಶುಕ್ರವಾರ ಚುನಾವಣಾಧಿಕಾರಿಗೆ ನಾಮಪತ್ರಗಳನ್ನು ಸಲ್ಲಿಸಲಾಯಿತು.

ಎಂ.ನಿಶಾನಿ ಜಯಣ್ಣ, ಸೂರ್ಯಪ್ರಕಾಶ್, ನಾಗರಾಜ್‍ಬೇದ್ರೆ, ಜಿ.ಸುರೇಶ್‍ಕುಮಾರ್(ಭಾಫ್ನ) ಓ.ತಿಪ್ಪೇಸ್ವಾಮಿ, ಎ.ಚಂಪಕ, ಎನ್.ಎಂ.ಪುಷ್ಪವಲ್ಲಿ, ಡಾ.ರಹಮತ್‍ವುಲ್ಲಾ

ಚಿಕ್ಕಣ್ಣ, ಚಂದ್ರಣ್ಣ, ಬಿ.ವಿ.ಶ್ರೀನಿವಾಸ್‍ಮೂರ್ತಿ, ರಾಜ್‍ಕುಮಾರ್, ಕೇಶವಮೂರ್ತಿ, ಎನ್.ಲಿಂಗೇಶ್ ಇವರುಗಳು ತಮ್ಮ ಉಮೇದುವಾರಿಕೆಯನ್ನು ಚುನಾವಣಾಧಿಕಾರಿಗೆ ಸಲ್ಲಿಸಿದರು.

ಸಾಮಾನ್ಯ ವರ್ಗದಿಂದ 6, ಬಿ.ಸಿ.ಎಂ.ಬಿ.-1, ಪರಿಶಿಷ್ಟ ಜಾತಿ-1, ಪರಿಶಿಷ್ಟ ವರ್ಗ-1, ಬಿ.ಸಿ.ಎಂ.ಎ.-1, ಮಹಿಳಾ ಕ್ಷೇತ್ರದಿಂದ 2 ಸ್ಥಾನಗಳಿಗೆ ನಡೆಯುವ ಚುನಾವಣೆಗೆ ಜ.25 ನಾಮಪತ್ರ ಸಲ್ಲಿಕೆಗೆ ಕೊನೆಯ ದಿನವಾಗಿದ್ದು, 26 ರಂದು ಪರಿಶೀಲನೆ, 27 ನಾಮಪತ್ರಗಳನ್ನು ವಾಪಸ್ ಪಡೆಯಲು ಕಡೆ ದಿನವಾಗಿರುತ್ತದೆ. ಫೆ.2 ರಂದು ಬೆಳಿಗ್ಗೆ

9 ರಿಂದ ಸಂಜೆ 4 ಗಂಟೆಯವರೆಗೆ ಚುನಾವಣೆ ನಡೆಯುತ್ತದೆ. ಮತದಾನದ ನಂತರ ಅಂದೆ ಮತಗಳ ಎಣಿಕೆ ನಡೆಯಲಿದೆ ಎಂದು ಚುನಾವಣಾಧಿಕಾರಿ ತಿಳಿಸಿದ್ದಾರೆ.