ಚಿತ್ರದುರ್ಗ,( ಅಕ್ಟೋಬರ್20) :ಜಿಲ್ಲೆಯಲ್ಲಿ ಅಕ್ಟೋಬರ್ 19ರಂದು ಸುರಿದ ಮಳೆ ವಿವರದನ್ವಯ ಹೊಳಲ್ಕೆರೆ ತಾಲ್ಲೂಕಿನ ಹೆಚ್.ಡಿ.ಪುರದಲ್ಲಿ 64.6 ಮಿ.ಮೀ ಮಳೆಯಾಗಿದ್ದು, ಇದು ಜಿಲ್ಲೆಯ ಅತ್ಯಧಿಕ ಮಳೆಯಾಗಿದೆ.
ಉಳಿದಂತೆ ಹೊಳಲ್ಕೆರೆ ತಾಲ್ಲೂಕಿನ ಹೊಳಲ್ಕೆರೆಯಲ್ಲಿ 40.4 ಮಿ.ಮೀ, ಚಿಕ್ಕಜಾಜೂರು 12.6 ಮಿ.ಮೀ, ಬಿ.ದುರ್ಗ 16.2 ಮಿ.ಮೀ, ತಾಳ್ಯ 49.2 ಮಿ.ಮೀ, ರಾಮಗಿರಿ 50.2 ಮಿ.ಮೀ ಮಳೆಯಾಗಿದೆ.
ಹಿರಿಯೂರು ತಾಲ್ಲೂಕಿನ ಹಿರಿಯೂರಿನಲ್ಲಿ 6.8 ಮಿ.ಮೀ, ಬಬ್ಬೂರಿನಲ್ಲಿ 5.6 ಮಿ.ಮೀ ಮಳೆಯಾಗಿದೆ.
ಮೊಳಕಾಲ್ಮೂರು ತಾಲ್ಲೂಕಿನ ಮೊಳಕಾಳ್ಮೂರಿನಲ್ಲಿ 1.2 ಮಿ.ಮೀ, ರಾಯಪುರ 7.2 ಮಿ.ಮೀ ಮಳೆಯಾಗಿದೆ.
ಹೊಸದುರ್ಗ ತಾಲ್ಲೂಕಿನ ಹೊಸದುರ್ಗದಲ್ಲಿ 22.6 ಮಿ.ಮೀ, ಬಾಗೂರು 12.3 ಮಿ.ಮೀ, ಮತ್ತೋಡು 23.4 ಮಿ.ಮೀ, ಮಾಡದಕೆರೆ 28.2 ಮಿ.ಮೀ, ಶ್ರೀರಾಂಪುರ 20 ಮಿ.ಮೀ ಮಳೆಯಾಗಿದೆ.
ಚಿತ್ರದುರ್ಗ ತಾಲ್ಲೂಕಿನ ಚಿತ್ರದುರ್ಗ -1ರಲ್ಲಿ 14.8 ಮಿ.ಮೀ, ಚಿತ್ರದುರ್ಗ -2ರಲ್ಲಿ 19.8 ಮಿ.ಮೀ, ಹಿರೇಗುಂಟನೂರು 2 ಮಿ.ಮೀ, ಭರಮಸಾಗರ 26.1 ಮಿ.ಮೀ, ಸಿರಿಗೆರೆ 24.6 ಮಿ.ಮೀ, ತುರುವನೂರು 22.4 ಮಿ.ಮೀ, ಐನಹಳ್ಳಿ 16.4 ಮಿ.ಮೀ ಮಳೆಯಾಗಿದೆ. ಚಳ್ಳಕೆರೆ ತಾಲ್ಲೂಕಿನ ನಾಯಕನಹಟ್ಟಿ 5.4 ಮಿ.ಮೀ, ಡಿ.ಮರಿಕುಂಟೆ 19.3 ಮಿ.ಮೀ ಮಳೆಯಾಗಿದೆ.
ಬುಧವಾರ ಸುರಿದ ಮಳೆಗೆ ಜಿಲ್ಲೆಯಾದ್ಯಂತ ಒಟ್ಟು 69 ಮನೆಗಳು ಭಾಗಶಃ ಹಾನಿಗೆ ಒಳಗಾಗಿವೆ. 4 ಮನೆಗಳು ತೀವ್ರತರ ಹಾನಿಯಾಗಿವೆ.
ಚಿತ್ರದುರ್ಗ ತಾಲ್ಲೂಕಿನಲ್ಲಿ 12 ಮನೆಗಳು, ಹಿರಿಯೂರು 15,
ಹೊಸದುರ್ಗ 21,
ಹೊಳಲ್ಕೆರೆ 15,
ಮೊಳಕಾಲ್ಮೂರು 6 ಮನೆಗಳು ಭಾಗಶಃ ಹಾನಿಗೆ ಒಳಗಾಗಿವೆ. 67 ಮನೆಗಳಿಗೆ ನೀರು ನುಗ್ಗಿದೆ ಹಾಗೂ 3 ಜಾನುವಾರುಗಳು ಮೃತಪಟ್ಟಿವೆ ಎಂದು ಜಿಲ್ಲಾಧಿಕಾರಿ ಕಚೇರಿ ಪ್ರಕಟಣೆ ತಿಳಿಸಿದೆ.
