Warning: Undefined array key "options" in /home/nagendra/public_html/content/plugins/elementor-pro/modules/theme-builder/widgets/site-logo.php on line 124

ಚಂದ್ರಯಾನ-3 : ಸಾಫ್ಟ್ ಲ್ಯಾಂಡಿಂಗ್ ನ ಕೊನೆಯ15 ನಿಮಿಷಗಳು ಹೇಗಿತ್ತು ಗೊತ್ತಾ ?

Facebook
Twitter
Telegram
WhatsApp

 

ಸುದ್ದಿಒನ್ ವೆಬ್ ಡೆಸ್ಕ್

ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯ ಚಂದ್ರಯಾನ-3 ಲ್ಯಾಂಡರ್ ವಿಕ್ರಮ್ ಆಗಸ್ಟ್ 23 ರಂದು ಸಂಜೆ ಚಂದ್ರನ ದಕ್ಷಿಣ ಧ್ರುವದ ಬಳಿ ಸುರಕ್ಷಿತವಾಗಿ ಇಳಿಯಿತು.

ಲ್ಯಾಂಡಿಂಗ್ ಪ್ರಕ್ರಿಯೆಯ ಅಂತಿಮ ಹಂತವು ತುಂಬಾ ಉದ್ವಿಗ್ನತೆಯಿಂದ ಕೂಡಿತ್ತು. ದೇಶಾದ್ಯಂತ ಮಾಧ್ಯಮ ಸಂಸ್ಥೆಗಳು ನೇರಪ್ರಸಾರ ಮಾಡಿವೆ. ಬ್ರಿಕ್ಸ್ ಶೃಂಗಸಭೆಯಲ್ಲಿ ಭಾಗವಹಿಸಲು ದಕ್ಷಿಣ ಆಫ್ರಿಕಾಕ್ಕೆ ತೆರಳಿದ್ದ ಪ್ರಧಾನಿ ನರೇಂದ್ರ ಮೋದಿ ಅವರು ಕಾರ್ಯಕ್ರಮವನ್ನು ವೀಕ್ಷಿಸಿದರು.

ಇಸ್ರೋ ಮಾಜಿ ಅಧ್ಯಕ್ಷ ಕೆ. ಶಿವನ್ ಆ ಕೊನೆಯ ನಿಮಿಷಗಳನ್ನು “15 ನಿಮಿಷಗಳ ನಿರ್ಣಾಯಕ” ಎಂದು ಕರೆದಿದ್ದಾರೆ. 2019 ರಲ್ಲಿ ಚಂದ್ರಯಾನ-2 ವಿಫಲವಾದ ಸ್ಥಳವೂ ಇಲ್ಲಿಯೇ.

ಅದಕ್ಕಾಗಿಯೇ ಈ ಅಂತಿಮ ಹಂತಗಳ ಬಗ್ಗೆ ಹೆಚ್ಚಿನ ಉತ್ಸಾಹವಿದೆ. ಚಂದ್ರಯಾನ-3 ಮಿಷನ್‌ನ ಸಂದರ್ಭದಲ್ಲಿ, ಆ ನಿರ್ಣಾಯಕ ಅಂತಿಮ ಕ್ಷಣಗಳಲ್ಲಿ ಏನಾಯಿತು ಎಂಬುದನ್ನು ಇಲ್ಲಿ ತಿಳಿಯೋಣ.

ನಾಲ್ಕು ಹಂತಗಳಲ್ಲಿ ಲ್ಯಾಂಡಿಂಗ್

ಚಂದ್ರನ ದಕ್ಷಿಣ ಧ್ರುವದಲ್ಲಿ ಇಳಿಯುವ ಪ್ರಕ್ರಿಯೆಯನ್ನು ನಾಲ್ಕು ಹಂತಗಳಲ್ಲಿ ಮಾಡಲಾಯಿತು.

1) ರಫ್ ಬ್ರೇಕಿಂಗ್

2) ಅಲ್ಟಿಟ್ಯೂಡ್ ಬ್ರೇಕಿಂಗ್

3) ಫೈನ್ ಬ್ರೇಕಿಂಗ್

4) ಟರ್ಮಿನಲ್ ಡೀಸೆಂಟ್

ಸಂಜೆ 5.47 – ರಫ್ ಬ್ರೇಕಿಂಗ್ ಹಂತ

ಮೊದಲ ರಫ್ ಬ್ರೇಕಿಂಗ್ ಹಂತದ ಭಾಗವಾಗಿ, ಲ್ಯಾಂಡರ್‌ನ ವೇಗವನ್ನು ಸೆಕೆಂಡಿಗೆ 1,680 ಮೀ. ನಿಂದ 358 ಮೀ.ಗೆ ಇಳಿಸಲಾಯಿತು.  ಈ ಹಂತವು ಸುಮಾರು 10 ನಿಮಿಷಗಳ ಕಾಲ ನಡೆಯಿತು. ಆಗ ಚಂದ್ರಯಾನ-3 ಚಂದ್ರನ ಮೇಲ್ಮೈಯಿಂದ 30 ಕಿ.ಮೀ. ಎತ್ತರದಲ್ಲಿತ್ತು. ಈ ಹಂತದಲ್ಲಿ ಚಂದ್ರಯಾನ-3 ಲ್ಯಾಂಡರ್ ವಿಕ್ರಮ್ ಸುಮಾರು 90 ಡಿಗ್ರಿ ಕೋನದಲ್ಲಿತ್ತು.

“ಸಮತಲದಿಂದ ಲಂಬವಾದ ಸ್ಥಾನಕ್ಕೆ ತರುವುದು ಒಂದು ತಂತ್ರ. ಈ ಹಂತದಲ್ಲೇ ಚಂದ್ರಯಾನ 2 ಪತನವಾಗಿತ್ತು. ಹಾಗಾಗಿ
ಇದನ್ನು ಬಹಳ ಎಚ್ಚರಿಕೆಯಿಂದ ಮಾಡಬೇಕು.
ಇಂಧನವನ್ನೂ ಇಲ್ಲಿ ಹೆಚ್ಚು ಖರ್ಚು ಮಾಡಬಾರದು. ಅದೇ ಸಮಯದಲ್ಲಿ ದೂರವನ್ನು ನಿಖರವಾಗಿ ಅಂದಾಜು ಮಾಡಬೇಕು. ಇದಕ್ಕಾಗಿ ಎಲ್ಲಾ ಅಲ್ಗಾರಿದಮ್‌ಗಳು ನಿಖರತೆಯಿಂದ ಕೆಲಸ ಮಾಡಬೇಕು,’’ ಎಂದು ಸೋಮನಾಥ್ ಹೇಳಿದರು.

ಈ ಹಂತದಲ್ಲಿ, ಲ್ಯಾಂಡರ್‌ನ ವೇಗ ಮತ್ತು ದಿಕ್ಕನ್ನು ನಿಯಂತ್ರಿಸಲು 12 ಎಂಜಿನ್‌ಗಳನ್ನು ಲ್ಯಾಂಡರ್‌ನಲ್ಲಿ ಅಳವಡಿಸಲಾಗಿದೆ.

ಲ್ಯಾಂಡರ್‌ನ ಮೊದಲ ನಾಲ್ಕು ಎಂಜಿನ್‌ಗಳು ವೇಗವನ್ನು ಕಡಿಮೆ ಮಾಡಲು ಕೆಲಸ ಮಾಡುತ್ತವೆ. ಇನ್ನುಳಿದ 8 ಸಣ್ಣ ಎಂಜಿನ್ ಗಳನ್ನು ದಿಕ್ಕು ಬದಲಿಸಲು ಬಳಸಲಾಗಿದೆ’
ಈ ಹಂತದಲ್ಲಿ ಲ್ಯಾಂಡರ್ 7.4 ಕಿ.ಮೀ. ಎತ್ತರದಲ್ಲಿತ್ತು ಎಂದು ಸೋಮನಾಥ್ ತಿಳಿಸಿದರು.

5.57 pm – ಅಲ್ಟಿಟ್ಯೂಡ್ ಹಂತ

ಮೊದಲ ಹಂತವಾದ ಹತ್ತು ನಿಮಿಷಗಳ ನಂತರ ನೆಲದಿಂದ 7.43 ಕಿ.ಮೀ. ಲ್ಯಾಂಡರ್ ಎತ್ತರದಲ್ಲಿರುವಾಗ ಅಲ್ಟಿಟ್ಯೂಡ್ ಹಂತವು ಪ್ರಾರಂಭವಾಗುತ್ತದೆ. ಇದು ಕೇವಲ ಹತ್ತು ಸೆಕೆಂಡುಗಳು. ಇದರಲ್ಲಿ ಲ್ಯಾಂಡರ್ 6.8 ಕಿ.ಮೀ. ಗೆ ಬಂದಿತು. ಈ ಹತ್ತು ಸೆಕೆಂಡುಗಳಲ್ಲಿ, ಚಂದ್ರಯಾನ ಲ್ಯಾಂಡರ್ ಅನ್ನು ಹಾರಿಜಾಂಟಲ್ (ಅಡ್ಡ) ನಿಂದ ವರ್ಟಿಕಲ್ (ಲಂಬ) ಇಳಿಯುವಂತೆ ಬದಲಾಯಿಸಲಾಯಿತು.

ಲ್ಯಾಂಡರ್ ಅಲ್ಟಿಟ್ಯೂಡ್ ಹಂತದಿಂದ ಫೈನ್ ಬ್ರೇಕಿಂಗ್ ಹಂತಕ್ಕೆ ಚಲಿಸುತ್ತಿದ್ದಂತೆ, ಇಸ್ರೋ ಮಿಷನ್ ನಿಯಂತ್ರಣ ಕೊಠಡಿಯಲ್ಲಿನ ವಿಜ್ಞಾನಿಗಳು ಹರ್ಷೋದ್ಘಾರ ವ್ಯಕ್ತಪಡಿಸಿದರು. ಬಹುತೇಕ ಸಿಬ್ಬಂದಿ ಜೋರಾಗಿ ಚಪ್ಪಾಳೆ ತಟ್ಟುವ ಮೂಲಕ ಸಂಭ್ರಮಿಸಿದರು.

06.01 pm – ಫೈನ್ ಬ್ರೇಕಿಂಗ್ ಹಂತ

ಫೈನ್ ಬ್ರೇಕಿಂಗ್ ಹಂತದಲ್ಲಿ, ಲ್ಯಾಂಡರ್  ಸಂಪೂರ್ಣ ಲಂಬವಾದ ಅವರೋಹಣವನ್ನು ಪ್ರಾರಂಭಿಸುತ್ತದೆ. ಈ ಹಂತವು ಕೇವಲ ಮೂರು ನಿಮಿಷಗಳ ಕಾಲ ನಡೆಯಿತು. ಆ ಸಮಯದಲ್ಲಿ ವಿಕ್ರಮ್ ಲ್ಯಾಂಡರ್ನ ಎತ್ತರವು ಚಂದ್ರನ ಮೇಲ್ಮೈಯಿಂದ ಒಂದು ಕಿ.ಮೀ. ಗೆ ಬಂತು. ಈ ಹಂತದಲ್ಲಿ ಲ್ಯಾಂಡರ್‌ನಲ್ಲಿರುವ ಕೆಲವು ಸಂವೇದಕಗಳು( ಸೆನ್ಸಾರ್) ಕಾರ್ಯನಿರ್ವಹಿಸಲು ಪ್ರಾರಂಭಿಸುತ್ತವೆ.  150 ಮೀಟರ್ ಎತ್ತರದಲ್ಲಿ ಲಂಬವಾಗಿ ಇಳಿಯಲು ಕೆಳಗಿನ ಯಾವುದಾದರೂ ಕಲ್ಲುಗಳು ಅಥವಾ ಕಂದಕಗಳು ಇವೆಯಾ ಎಂದು ಪರಿಶೀಲಿಸುತ್ತವೆ.

“ಇದಕ್ಕಾಗಿ ಬಹಳಷ್ಟು ಸಿಮ್ಯುಲೇಶನ್‌ಗಳನ್ನು ಬಳಸಲಾಗಿದೆ. ವಿನ್ಯಾಸಗಳಲ್ಲಿ ಸಾಕಷ್ಟು ಬದಲಾವಣೆಗಳನ್ನು ಮಾಡಲಾಗಿದೆ. ಆದರೆ, ಇಲ್ಲಿ ಎಲ್ಲಾ ಸೆನ್ಸರ್‌ಗಳು ವಿಫಲವಾದರೂ, ಪ್ರೊಪಲ್ಷನ್ ಸಿಸ್ಟಮ್ ಕೆಲಸ ಮಾಡಿದರೆ ಸಾಫ್ಟ್ ಲ್ಯಾಂಡಿಂಗ್ ಆಗುವ ಸಾಧ್ಯತೆಯಿದೆ, ”ಎಂದು ಇಸ್ರೋ ಅಧ್ಯಕ್ಷ ಸೋಮನಾಥ್ ಈ ಹಿಂದೆ ಹೇಳಿದ್ದರು. ಈ ಹಂತದಲ್ಲಿ ವಿಜ್ಞಾನಿಗಳು ಲ್ಯಾಂಡರ್ ಡೇಟಾವನ್ನು ವಿಶ್ಲೇಷಿಸುತ್ತಿದ್ದರು.

ಈ ಹಂತದಲ್ಲಿ ಲ್ಯಾಂಡರ್‌ನ ವೇಗವನ್ನು ಸೆಕೆಂಡಿಗೆ ಮೂರು ಮೀಟರ್‌ಗಳಿಗೆ ಇಳಿಸಲಾಯಿತು. ಈ ಹಂತವು ಪೂರ್ಣಗೊಳ್ಳುವ ಹೊತ್ತಿಗೆ, ಲ್ಯಾಂಡರ್ 800 ಮೀಟರ್ ಎತ್ತರವನ್ನು ತಲುಪಿದೆ.

6.02 – ಲೋಕಲ್ ನ್ಯಾವಿಗೇಷನ್ ಹಂತ

ಈ ಕೊನೆಯ ಹಂತವನ್ನು ಟರ್ಮಿನಲ್ ಡಿಸೆಂಟ್ ಹಂತ ಎಂದೂ ಕರೆಯಲಾಗುತ್ತದೆ.

ಇದು 800 ಮೀಟರ್ ಎತ್ತರದಲ್ಲಿ ಪ್ರಾರಂಭವಾಗುತ್ತದೆ. ಇದು ಲ್ಯಾಂಡರ್ ಮಾಡ್ಯೂಲ್ ಅನ್ನು ಚಂದ್ರನ ಮೇಲ್ಮೈಗೆ ಮತ್ತಷ್ಟು ಹತ್ತಿರವಾಗುತ್ತದೆ. ಆಗ ಅಡ್ಡ ಮತ್ತು ಲಂಬ ವೇಗಗಳು ಬಹುತೇಕ ಶೂನ್ಯವಾಗಿರುತ್ತದೆ. (HORIZONTAL AND VERTICAL VELOCITY ZERO)

ಮತ್ತೊಂದೆಡೆ, ಲ್ಯಾಂಡಿಂಗ್ ಪ್ರದೇಶ ಸುರಕ್ಷಿತವಾಗಿದೆ ಎಂಬ ಮಾಹಿತಿಯನ್ನು ಸೆನ್ಸರ್‌ಗಳು ಕಳುಹಿಸುತ್ತಿವೆ ಎಂದು ವಿಜ್ಞಾನಿಗಳು ಹೇಳಿದರು.

6.03 – ವಿಕ್ರಮ್ ಸಾಫ್ಟ್ ಲ್ಯಾಂಡಿಂಗ್ ಕುರಿತು ಇಸ್ರೋ ಅಧಿಕೃತ ಘೋಷಣೆ

ವಿಕ್ರಮ್ ಸಾಫ್ಟ್ ಲ್ಯಾಂಡ್ ಸುರಕ್ಷಿತವಾಗಿ ಇಳಿದಿದೆ ಎಂದು ಇಸ್ರೋ ಸಂಜೆ 6:03 ಕ್ಕೆ ಘೋಷಿಸಿತು. ಎಲ್ಲರ ಮುಖದಲ್ಲೂ ಸಂತಸವಿತ್ತು.  ಮೋದಿ ಕೂಡ ಧ್ವಜವನ್ನು ಹಿಡಿದು ಸಂಭ್ರಮಿಸಿದರು.ಈ ಮೂಲಕ ಭಾರತ ಬಾಹ್ಯಾಕಾಶ ಕ್ಷೇತ್ರದಲ್ಲಿ ಹೊಸ ಅಧ್ಯಾಯವನ್ನೇ ಬರೆದು ಇಡೀ ವಿಶ್ವವೇ ಬೆರಗುಗಣ್ಣಿನಿಂದ ನೋಡುವಂತೆ ಮಾಡಿತು.

Facebook
Twitter
Telegram
WhatsApp
suddionenews

suddionenews

Leave a Comment

Top Stories

Train Accident : ದೇಶದಲ್ಲಿ ಮತ್ತೊಂದು ಭೀಕರ ರೈಲು ಅಪಘಾತ : 12 ಮಂದಿ ಮೃತ

ಸುದ್ದಿಒನ್ :  ದೇಶದಲ್ಲಿ ಮತ್ತೊಂದು ಭೀಕರ ರೈಲು ಅಪಘಾತ ನಡೆದಿದೆ. ಜಂತರಾ-ಕರ್ಮಠಂಡ್ ಮಾರ್ಗದ ಕಲ್ಗಾರಿಯಾ ಬಳಿ ಬುಧವಾರ ಸಂಜೆ ಅಪಘಾತ ಸಂಭವಿಸಿದೆ ಎಂದು ರೈಲ್ವೆ ಅಧಿಕಾರಿಗಳು ತಿಳಿಸಿದ್ದಾರೆ.  The train accident in #Jharkhand

ಚಿತ್ರದುರ್ಗ | ಮೆದೇಹಳ್ಳಿ ಹೈವೇ ಬ್ರಿಡ್ಜ್ ಬಳಿ ಅಪಘಾತ |  ಎಲೆಕ್ಟ್ರಿಕ್ ಸ್ಕೂಟರ್ ಗೆ ಕಾರು ಡಿಕ್ಕಿ ಓರ್ವ ಸಾವು

ಸುದ್ದಿಒನ್, ಚಿತ್ರದುರ್ಗ, ಫೆಬ್ರವರಿ. 28 : ಎಲೆಕ್ಟ್ರಿಕ್ ಸ್ಕೂಟರ್ ಗೆ ಹಿಂಬದಿಯಿಂದ ಬಂದ ಬೊಲೆರೋ ವಾಹನ ಡಿಕ್ಕಿಯಾಗಿ ಓರ್ವ ಸ್ಥಳದಲ್ಲೇ ಮೃತಪಟ್ಟ ಘಟನೆ ನಗರದಲ್ಲಿ ನಡೆದಿದೆ. ನಗರದಲ್ಲಿ ಹಾದು ಹೋಗುವ ರಾಷ್ಟ್ರೀಯ ಹೆದ್ದಾರಿ 4

ಉದ್ಯೋಗ ವಾರ್ತೆ | ಇಸ್ರೋ ಸಂಸ್ಥೆಯಲ್ಲಿ ವಿವಿಧ ಹುದ್ದೆಗಳಿಗಾಗಿ ಅರ್ಜಿ ಆಹ್ವಾನ

  ಚಿತ್ರದುರ್ಗ. ಫೆ.28: ಬೆಂಗಳೂರು ಇಸ್ರೋ ಸಂಸ್ಥೆಯ ಯು.ಆರ್.ರಾವ್ ಸ್ಯಾಟ್‍ಲೈಟ್ ಅವರು ವಿವಿಧ ಹುದ್ದೆಗಳಿಗಾಗಿ ಆನ್‍ಲೈನ್ ಮೂಲಕ ಅರ್ಜಿ ಆಹ್ವಾನಿಸಲಾಗಿದೆ. ಮಾರ್ಚ್ 1 ಅರ್ಜಿ ಸಲ್ಲಿಸಲು ಕೊನೆಯ ದಿನ. ಅರ್ಹ ಅಭ್ಯರ್ಥಿಗಳು ನಿಗಧಿ ದಿನಾಂಕದೊಳಗೆ

error: Content is protected !!