ಚಳ್ಳಕೆರೆ | ದುರುಗಮ್ಮ ದೇವಸ್ಥಾನದಲ್ಲಿ ಕಾಣಿಕೆ ಹುಂಡಿ ಕಳ್ಳತನ

ವರದಿ ಮತ್ತು ಫೋಟೋ ಕೃಪೆ
ಸುರೇಶ್ ಬೆಳಗೆರೆ, ಚಳ್ಳಕೆರೆ
ಮೊ : 8431413188

ಸುದ್ದಿಒನ್, ಚಳ್ಳಕೆರೆ, ಡಿಸೆಂಬರ್. 28 : ನಗರದ ಹಳೆ ಟೌನ್ ನ ತಿಮ್ಮಪ್ಪ ದೇವಸ್ಥಾನದ ಸಮೀಪದ ದುರುಗಮ್ಮ ದೇವಸ್ಥಾನದಲ್ಲಿ ಎರಡು ಕಾಣಿಕೆ ಹುಂಡಿಯನ್ನ ಕಳ್ಳರು ಹೊತ್ತುಕೊಂಡುಹೋಗಿದ್ದಾರೆ.

ಶನಿವಾರ ತಡುರಾತ್ರಿ ದುರುಗಮ್ಮ ದೇವಸ್ಥಾನದ ಹುಂಡಿ ಕಳ್ಳತನ ಪ್ರಕರಣ ನಡೆದಿದ್ದು ದೇವಸ್ಥಾನದ ಪೂಜಾರಿ ತಿಪ್ಪೇಸ್ವಾಮಿ ಮನೆಯವರು ಹೋರಬಾರದಂತೆ ಹೊರಗಿನಿಂದ ಚಿಲುಕ ಹಾಕಿ ದೇವಸ್ಥಾನ ಬಾಗಿಲ ಬೀಗ ಮುರಿದು ದೇವಸ್ಥಾನದಲ್ಲಿದ್ದ ಎರಡು ಕಾಣಿಕೆ ಹುಂಡಿಗಳನ್ನು ಹೊತ್ತುಕೊಂಡು ಹೋಗಿದ್ದಾರೆ.

ಪೂಜಾರಿ ತಿಪ್ಪೇಸ್ವಾಮಿ ಬೆಳಗ್ಗೆ ಬಾಗಿಲು ತೆಗೆಯಲು‌ಪ್ರಯತ್ನಿಸಿದಾಗ ಹೊರಗಿನಿಂದ ಲಾಕ್ ಮಾಡಿರುವುದ ಬೆಳಕಿಗೆ ಬಂದಿದೆ. ಅಕ್ಕ ಪಕ್ಕದ ಮನೆಯವರು ಬಾಗಿಲು ಚಿಲುಕ ತೆಗೆದಾಗ ಪೂಜಾರಿ ಹೊರ ಬಂದಾಗ ದೇವಸ್ಥಾನದಲ್ಲಿ ಹುಂಡಿ ಕಳ್ಳತನ ವಾಗಿರುವುದು ಬೆಳಕಿಗೆ ಬಂದಿದೆ.

ಘಟನಾ ಸ್ಥಳಕ್ಕೆ ಪೋಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ..