ಗ್ಲ್ಯಾಸ್ಗೋ.ಆಗಸ್ಟ್.1: ಕಾಮನ್ವೆಲ್ತ್ ಗೇಮ್ಸ್ 2026ರ ಮಹಿಳೆಯರ 57 ಕೆಜಿ ವಿಭಾಗದ ಬಾಕ್ಸಿಂಗ್ ಫೈನಲ್ನಲ್ಲಿ ಭಾರತದ ಭರವಸೆಯ ಬಾಕ್ಸರ್ ಜೈಸ್ಮಿನ್ ಲ್ಯಾಂಬೋರಿಯಾ ಅದ್ಭುತ ಪ್ರದರ್ಶನ ನೀಡುವ ಮೂಲಕ ಚಿನ್ನದ ಪದಕಕ್ಕೆ ಮುತ್ತಿಟ್ಟಿದ್ದಾರೆ. ಅತ್ಯಂತ ರೋಚಕವಾಗಿ ನಡೆದ ಫೈನಲ್ ಪಂದ್ಯದಲ್ಲಿ ಉತ್ತರ ಐರ್ಲೆಂಡ್ ಅನುಭವಿ ಆಟಗಾರ್ತಿ ಮೈಕೆಲಾ ವಾಲ್ಶ್ ಅವರನ್ನು ಧೂಳಿಪಟ ಮಾಡಿದ ಜೈಸ್ಮಿನ್, ಭಾರತಕ್ಕೆ ಮತ್ತೊಂದು ಐತಿಹಾಸಿಕ ಚಿನ್ನದ ಪದಕ ತಂದುಕೊಟ್ಟಿದ್ದಾರೆ.
ಆರಂಭಿಕ ರೌಂಡ್ನಿಂದಲೇ ಸಂಪೂರ್ಣ ಮೇಲುಗೈ ಸಾಧಿಸಿದ ಹರಿಯಾಣ ಮೂಲದ ಜೈಸ್ಮಿನ್, ತೀಕ್ಷ್ಣವಾದ ಪಂಚ್ಗಳು ಮತ್ತು ಚುರುಕಿನ ಫುಟ್ವರ್ಕ್ ಮೂಲಕ ಎದುರಾಳಿಯ ಮೇಲೆ ನಿರಂತರ ಒತ್ತಡ ಹೇರಿದರು. ವಾಲ್ಶ್ ಅವರ ಆಕ್ರಮಣಕಾರಿ ದಾಳಿಯನ್ನು ತಮ್ಮ ಅತ್ಯುತ್ತಮ ರಕ್ಷಣಾತ್ಮಕ ಆಟದ ಮೂಲಕ ತಡೆದ ಅವರು, ಅತ್ಯಂತ ತಾಳ್ಮೆ ಮತ್ತು ಕಾರ್ಯತಂತ್ರದ ಆಟ ಪ್ರದರ್ಶಿಸಿ ತೀರ್ಪುಗಾರರ ಮನ ಗೆದ್ದರು.
ಅಂತರರಾಷ್ಟ್ರೀಯ ಮಟ್ಟದಲ್ಲಿ ಹಲವು ಸವಾಲುಗಳನ್ನು ಎದುರಿಸಿ ಬೆಳೆದ ಜೈಸ್ಮಿನ್ ಪಾಲಿಗೆ ಈ ಗೆಲುವು ಅವರ ಕ್ರೀಡಾ ಜೀವನದ ಪ್ರಮುಖ ಮೈಲಿಗಲ್ಲಾಗಿದೆ. ಅವರ ಈ ಐತಿಹಾಸಿಕ ಸಾಧನೆ ಬಾಕ್ಸಿಂಗ್ ಕ್ಷೇತ್ರದಲ್ಲಿ ಭಾರತದ ಶಕ್ತಿಯನ್ನು ಮತ್ತೊಮ್ಮೆ ಸಾಬೀತುಪಡಿಸಿದ್ದು, ದೇಶದ ಕ್ರೀಡಾಪಟುಗಳಲ್ಲಿ ಹೊಸ ಸಂಚಲನ ಮೂಡಿಸಿದೆ.
JAISMINE LAMBORIA WINS THE GOLD MEDAL FOR INDIA IN WOMEN’S 57KG 🥇
– 2nd Boxing Gold for India at CWG 2026! pic.twitter.com/RPpJeKBoa2
— The Khel India (@TheKhelIndia) August 1, 2026
