ಬೆಂಗಳೂರು : ಚಿತ್ರರಂಗದಲ್ಲಿ ಕಡೆಗೂ ಕತ್ತಲು ಸರಿದು ಬೆಳಕು ಬಂದಿದೆ.. ಸಲಗ ನಡೆದದ್ದೆ ದಾರಿ ಅಂತ ಸಿನಿಮಾ ಭರ್ಜರಿ ಓಪನಿಂಗ್ ಕೊಟ್ಟಿದ್ದಾರೆ. ಇಡೀ ಚಿತ್ರರಂಗ ಗರಿಗೆದರಿ ನಿಂತಿದೆ.. ದುನಿಯಾ ವಿಜಿ ಮೊದಲ ಬಾರಿಗೆ ನಿರ್ದೇಶನದಲ್ಲೂ ಸೈ ಎನಿಸಿಕೊಂಡಿದ್ದಾರೆ. ವಿಜಿ ಆಕ್ಷನ್ ಕಟ್ ದೃಶ್ಯಗಳನ್ನ ಫ್ಯಾನ್ಸ್ ಅಭಿಮಾನದಿಂದ ಅಪ್ಪಿಕೊಂಡಿದ್ದಾರೆ.
ಮೊದಲ ದಿನವೇ ಸಹಸ್ರಾರು ಮಂದಿ ಅಭಿಮಾನಿಗಳು ಸಲಗನನ್ನ ಒಪ್ಪಿ ಅಪ್ಪಿದ್ದಾರೆ. ಇಡೀ ಸಿನಿಮಾದಲ್ಲಿ ಡೈಲಾಗ್ ಗೆ ಚಪ್ಪಾಳೆಗಳು ಬಿದ್ದಿವೆ. ಸಿನಿಮಾ ರಿಲೀಸ್ ಮೊದಲು ಅಭಿಮಾನಿಗಳು ಯಾವ ಮಟ್ಟಿಗಿನ ನಿರೀಕ್ಷೆ ಇಟ್ಟುಕೊಂಡಿದ್ದರೋ, ಆ ನಿರೀಕ್ಷೆಯನ್ನ ನಿರ್ದೇಶಕರ ಸ್ಥಾನದಲ್ಲಿ ನಿಂತು ದುನಿಯಾ ವಿಜಿ ಫುಲ್ ಫಿಲ್ ಮಾಡಿದ್ದಾರೆ. ಭೂಗತ ಲೋಕದ, ಸೇಡಿನ ಎಳೆ ಇಟ್ಟುಕೊಂಡು ಕಥೆಯನ್ನ ಅದ್ಭುತವಾಗಿ ಹೆಣೆಯಲಾಗಿದೆ. ಮಾಸ್ ಪ್ರೇಕ್ಷಕರಿಗೆ ಹಬ್ಬದೂಟವೇ ಸಿಕ್ಕಿದೆ.. ಮೈ ನವಿರೇಳುವಂತ ಫೈಟ್ಗಳು.. ಸಲಗ ಡಾಲಿ ಮುಖಾಮುಖಿ ದೃಶ್ಯ ಈ ಎಲ್ಲವೂ ಮಾಸ್ ಪ್ರಿಯರಿಗೆ ಆನಂದ ತರಿಸಿದೆ.
ಒಂದಷ್ಟು ಎಮೋಷನ್ಸ್ ಕೂಡ ಸಿನಿಮಾದಲ್ಲಿಪ್ರೇಕ್ಷಕರನ್ನು ಕಟ್ಟಿ ಹಾಕಿ ಕೂರಿಸುತ್ತವೆ. ಸಾಂಗ್ ಈ ಮುಂಚೆಯೇ ಕೇಳಿರುವಂತೆ ಮಸ್ತ್ ಫೀಲ್ ಕೊಡುತ್ತೆ. ಮಾಸ್ತಿ ಡೈಲಾಗ್ ಎಲ್ಲರನ್ನ ಮೆಚ್ಚಿಸಿದೆ. ಒಟ್ಟಾರೆ ಎರಡು ವರ್ಷಗಳ ಗ್ಯಾಪ್ ಬಳಿಕ ಚಿತ್ರರಂಗಕ್ಕೆ ಅದ್ಭುತವೆನಿಸೋ ಸಿನಿಮಾ ಸಿಕ್ಕಿದೆ. ಫ್ಯಾಮಿಲಿ ಕುಳಿತು ನೋಡೋಕೆ ಸಲಗ ಕೊಂಚ ಕಷ್ಟವೇ. ಆದ್ರೆ ಮಾಸ್ ಪ್ರಿಯರಿಗೆ ಇದು ಹಬ್ಬದೂಟ. ಒಟ್ನಲ್ಲಿ, ಸ್ಯಾಂಡಲ್ ವುಡ್ ಗೆ ಮತ್ತೊಬ್ಬ ಮಾಸ್ ಡೈರೆಕ್ಟರ್ ಸಿಕ್ಕ ಖುಷಿಯಲ್ಲಿದ್ದಾರೆ ಮಾಸ್ ಸಿನಿ ಪ್ರಿಯರು.
